web counter
LEXO PA REKLAMA!

SHKARKO APP

App Store
Google Play

U largua nga Teuta, ja ku pritet të firmosë Sherif Kallaku

25 Dhjetor 2021, 13:34, Sport CNA

Sherif Kallaku ka mbyllur aventurën e tij me Teutën ditën e djeshme, pas 6 muajsh si pjesë e durrsakëve në formë huazimi nga Lokomotiva Zagreb. Lajmin e bëri të ditur vetë klubi durrsak përmes një njoftimi në llogaritë zyrtare në rrjetet sociale.

?Në emër të Presidentit të KF Teuta, Z. Edmond Hasanbelliu, falënderojmë futbollistin Sherif Kallaku, i cili nuk është më pjesë e skuadrës sonë. Mesfushori 24-vjeçar do të rikthehet në Kroaci te Lokomotiva e Zagrebit pas 6 muajsh me blutë duke zhvilluar performanca pozitive.

KF Teuta e falënderon Kallakun për kontributin e dhënë për fanellën e Teutës dhe i uron shumë suksese në karrierën e tij futbollistike?, shkruhet në njoftimin e klubit durrsak.

Fantazisti luajti në 14 ndeshje në Superiore në këtë sezon me Teutën dhe shënoi 1 gol e dhuroi 5 asiste. Gjithsesi, ka mjaft shanse që Kallaku të vazhdojë në Shqipëri edhe pjesën tjetër të këtij sezoni.

?Panorama Sport? nga burime të sigurta mëson se dy klube të kryeqytetit, Dinamo dhe Partizani, po bëjnë përpjekje për të siguruar shërbimet e fantazistit në formën e huazimit nga Lokomotiva e Zagrebit, me të cilën Kallaku ka kontratë deri në vitin 2024.

Kallaku nuk ka shumë hapësira te kroatët dhe pritet që ata ta huazojnë sërish dhe me siguri do të jetë garë e fortë deri në finalizimin e operacionit. Të dyja klubeve do i bënte jashtëzakonisht punë një lojtar si 24-vjeçari nga Fushë-Kruja.





Lajmet e fundit nga