web counter
LEXO PA REKLAMA!

SHKARKO APP

App Store
Google Play

E fundit!

x

Mensah i zhgënjyer për rastin e humbur: I hoqa dy pikë ekipit tim

25 Dhjetor 2021, 10:04, Sport CNA

Alfer Mensah, nuk po e kapërdin dot rastin e humbur në fundin e ndeshjes së të mërkurës, barazuar 0-0 përballë Dinamos në ?Elbasan Arena?. Sulmuesi i Skënderbeut, ndihet në faj që i ka hequr dy pikë skuadrës me atë shpërdorim në minutën e 94-t përballë portierit blu. Ganezi komenton rastin për Panorama Sport, ndërsa nuk e beson që s?ka arritur të shënojë.

?Edhe tani që po flasim, nuk më besohet që kam humbur një rast të tillë. Të them të drejtën më shumë jam zhgënjyer kur e pashë në përsëritje se çfarë rasti flagrant kam shpërdoruar. Me të vërtetë i kam hequr ekipit dy pikë të rëndësishme nga duart. Gjithçka ishte e qartë, Nikaj ka bërë një super aksion duke marrë me vete mbrojtjen e Dinamos. Në momentin e pasimit topi nuk më është bindur duke m?u larguar më shumë se ç?duhej nga këmba dhe më ka detyruar të dal në një pozicion diagonal.

Atje i ndodhur në një moment të vështirë, pasi pashë edhe daljen e portierit, mendova të gjuaj me forcë për të bërë të pavlefshme ndërhyrjen e tij dhe për ta gjetur në kundërkohë. Por, ishte afruar shumë dhe ishte zgjedhje e gabuar nga ana ime. Me të vërtet ishte një rast flagrant që nuk mund të harroj kollaj. Shokët me qëndruan pranë duke më dhënë forcë, po ashtu edhe trajneri, që më motivoi për vazhdimësinë, duke mos më lënë peshë faji, edhe pse është e pashmangshme pasi i sheh ato pamje. Nga ana tjetër mund të them se na mungon edhe një gol i minutave të para. Nuk ka pasur faull të shkaktuar nga unë atë moment dhe për këtë jam i bindur 100%?, ka thënë Mensah.





Lajmet e fundit nga