web counter
LEXO PA REKLAMA!

SHKARKO APP

App Store
Google Play

E fundit!

x

"Për tre javë Omicron bëhet dominues ndaj Deltës"/ Paralajmërimi i Erion Dashos

25 Dhjetor 2021, 13:46, Lifestyle CNA

Varianti Omicron po bëhet dominues pothuajse në të gjithë botën. Epidemiologu Erion Dashi është shprehur se, brenda dy?tre javësh variant Omicron do të zhvendosë variantin Delta dhe do të bëhet dominues në të gjithë botën.

Në një intervistë për Report Tv,  Dasho është shprehur pavarësisht numrit të ulët të komplikacioneve, varianti Omicron përsëri ngelet një virus i rrezikshëm sidomos për të pavaksinuarit.

?Varianti delta qarkullon por në shkencën e virologjisë ka një parim që virusi që përhapet më shpejt arrit ta zhvendosë tjetrin nga qarkullimi. Sikur kishim variantin bazë dhe Alpha dominues në Europë, kur hyri delta u bë varianti dominues dhe ishte vala që filli në verë dhe ende vazhdon. Tashmë besohet se varianti Omicron brenda disa javëve do ta zhvendosë plotësisht varianti delta. Do të kemi variant delta që qarkullon por në një masë shumë të ulët por do të jetë Omicron i cili do të bëhet prodominues?, tha Dasho.

Epidemiologu e ka vënë theksin tek vaksinimi, duke bërë apel që çdo njeri që nuk është vaksinuar duhet të vaksinohet që të mbrojë veten. Ai ka paralajmëruar se varianti Omicron ësht i rrezikshëm sidomos për të pavaksinuarit

?Me gjithë numrin më të ulët të komplikacioneve dhe vdekjeve që lidhen me Omicron përsëri ngelet një virus i rrezikshëm sidomos për të pavaksinuarit. Dalja e variantit Omicron mbështet dhe përforcon edhe një herë atë thirrje që ne kemi muaj që e bëjmë që çdo njeri që nuk ka kaluar COVID ose që nuk është vaksinuar duhet të vaksinohet sa më shpejt për të mbrojtur veten. Omicron ndonëse ka një rrezikshmëri më të ulet, përsëri shkakton komplikacione dhe humbje jete dhe ende nuk mund të krahasohet me një virozë normale?, vijoi ai./ A.E-CNA.al





Lajmet e fundit nga