web counter
LEXO PA REKLAMA!

SHKARKO APP

App Store
Google Play

E fundit!

x

Refluksi i acidit/ Këto janë 6 veprimet që e përkeqësojnë atë

23 Dhjetor 2021, 15:14, Lifestyle CNA

Nëse keni patur ndonjëherë ndjesinë e djegies në stomak pas një vakti, kjo tregon që po vuani nga urthi ose refluksi i acidit. Kjo gjendje shumë e zakonshme mund të shkaktohet nga shumë veprime që ne bëjmë çdo ditë, dhe ndryshimi i disa zakoneve tuaja mund të jetë pikërisht ajo që ju nevojitet për të lehtësuar këtë problem.

Bright side rendit disa nga veprimet që mund të shkaktojnë refluksin e acidit.

Edhe pse rrobat e ngushta mund t’ju bëjnë të dukeni shumë tërheqëse, veshja e tyre shumë shpesh nuk është zgjidhja më e mirë për shëndetin tuaj. Përveçse shkaktojnë probleme me qarkullimin e gjakut , rrobat e papërshtatshme mund të përkeqësojnë refluksin e acidit. Për shkak se xhinset dhe rripat e ngushtë shtypin barkun tuaj, ato mund t’i përkeqësojnë simptomat e pakëndshme të urthit.

Megjithëse gjumi pa jastëk mund të jetë i mirë për qafën dhe shtyllën kurrizore, sigurisht që nuk do t’ju ndihmojë nëse vuani nga refluksi i acidit.

Një nga gabimet më të shpeshta që bëjnë njerëzit është se shtrihen për të fjetur menjëherë pasi kanë konsumuar vaktin e darkës. Kjo është shumë problematike nëse vuani nga urthi. Kur jeni shtrirë, i gjithë ushqimi që sapo keni ngrënë shtyhet kundër valvulës midis ezofagut dhe stomakut

Megjithëse qëndrimi i hidratuar është absolutisht thelbësor për shëndetin tuaj, koha kur pini ujë gjithashtu ka rëndësi. Ju mund të ndjeni nevojën për të pirë një gotë ujë pas një vakti të rëndë, por duke e bërë këtë mund të shkaktoni urth në stomak. Pirja e shumë lëngjeve gjatë vaktit tuaj hollon acidet e stomakut që ju nevojiten për tretjen e duhur. Dhe nëse ju pëlqen të pini ujin me akull, do të bëjë që enët tuaja të gjakut të ngushtohen dhe të ngurtësohen yndyrnat, duke e bërë ushqimin edhe më të vështirë për t’u tretur.

Ndërsa kafeja ka një sërë përfitimesh shëndetësore dhe shumë njerëz nuk mund ta imagjinojnë ditën e tyre pa pirë kafe, duhet të dini se është momente që të reduktoni pirjen e saj pasi shkakton refluks.  Kafeja mund t’i përkeqësojë simptomat e urthit dhe nëse vëreni se ndiheni keq pasi e keni pirë, reduktimi gradualisht i saj mund të jetë zgjidhja e duhur për të bërë.

Nuk ka dyshim se të qenit aktiv është një nga gjërat më të mira që mund të bëni për të qëndruar të shëndetshëm. Por lloji i aktivitetit fizik që zgjidhni mund t’ju bëjë të ndiheni më mirë ose më keq. Nëse vuani nga refluksi i acidit, ushtrimet me ndikim të lartë, të tilla si çiklizmi, gjimnastika ose  ngritja e peshave , mund të përkeqësojnë simptomat e pakëndshme të urthit dhe fryrjes. Por kjo nuk do të thotë që ju duhet të ndaloni aktivitetin fizik, por duhet të zgjidhni ushtrime të moderuara dhe me ndikim të ulët, të tilla si joga./ A.E-CNA.al





Lajmet e fundit nga