web counter
LEXO PA REKLAMA!

SHKARKO APP

App Store
Google Play

Basha i dha pushtet/ I dënuari në Itali i thur elozhe: Ke qef ta dëgjosh kur flet, është qytetar

18 Dhjetor 2021, 15:10, Politikë CNA

Kreu i emëruar nga Lulzim Basha në PD e Fierit, Agron Kapllanaj, nuk di të ndalë elozhetë në fjalën e tij në Pallatin e Kongreseve.

Kapllanaj, i cili është një nga mbështetësit e kryetarit të shkarkuar Lulzim Basha ka një skedë penale në Itali mjaft të pasur. Ndërsa në Shqipëri njihet si politikan që ka në dorë fatet e vendit.

Ndonëse i denuar për vjedhje në Itali, ‘delegati’ i Bashës, njëkohësisht i komanduar si kryetar partie në Fier foli për moralin që duhet të ketë politikani në politikë dhe sulmoi Berishën si komunist.

?Dua që Lulzim Basha të jetë kryeministri i ardhshëm i këtij vendi sepse e meriton, sepse mbi të gjitha është qytetar. Është një lider perëndimor dhe nuk nxjerr nga goja qoftë edhe një fjalë fyese që ta dëgjojnë shqiptarët. Ke lezet më tha kur e dëgjon. Ju falenderoj z. kryetar edhe për sakrificën dhe për të gjithë ato fjalë që thatë, gjithë vizionin dhe të gjithë së bashku unë mendoj se do ia dalim. Edhe ata, miqtë tanë demokratë, të cilët një pjesë kanë qëndruar të heshtur, nuk kanë dashur të pozicionohen. I mirëkuptoj, edhe atë pjesë që ka shkuar tek foltorja. Ashtu e mendojnë, janë viktima, janë mashtruar, Për fat të keq Sali Berisha është mjeshtër i mashtrimit. Të bën që edhe gënjeshtrën ta besosh. Dhe nuk kanë faj, e kanë besuar, por ju garantoj se çdo ditë do ta braktisin pak nga pak dhe do të afrohen e do të vijnë tek familja e tyre e vërtetë, aty ku është institucioni I PD, aty ku është shpresa e tyre, aty ku është shpresa për të ardhmen e fëmijëve të tyre. Unë ju falenderoj të gjithëve miqtë e mi dhe uroj më të mirët për demokratët, PD-në, uroj më të mirën për të gjithë shqiptarët. Rroftë PD-ja, Zoti i bekoftë demokratët?, tha ndër të tjera ai./E.K-CNA.al





Lajmet e fundit nga