web counter
LEXO PA REKLAMA!

SHKARKO APP

App Store
Google Play

Përfundon mbledhja e Komisionit për Rithemelimin e PD/ Berisha flet për mediat

13 Dhjetor 2021, 13:43, Politikë CNA

Menjëherë pas mbledhjes së Komisionit për Rithemelimin e PD, ish-kryeministri Sali Berisha ka dalë në një deklaratë për mediat.

?Kjo konferencë mbahet pas Kuvendit Kombëtar të Rithemelimit të PD. Ngjarje kjo unike si monument lirie e grave, vajzave, djemve dhe burrave të lirë, që në kundërshtim dhe në përballje me narkoshtetin apo dhe peng kryetarin dhe presionet e pandershme, ngrihen si viganë në një Kuvend të lirë dhe vendosin të shndërrojnë PD, në shtëpinë e lirisë. Vendosi të rikthejë fuqishëm pluralizmin politik në Shqipëri.

Ju garantoj që pas themelimit të PD në 1990, ky Kuvend ishte, Kuvendi më perëndimor në rrafshin e vlerave që sanksionohet në Kushtetutën e PD. Jehona e këtij Kuvendi ishte unik në llojin e tij.?-tha Berisha.

Po ashtu Berisha tha se Kuvendi i 11 Dhjetorit, rithemeloi PD, për të përmbushur misionin e saj.

Më tej, ai falenderoi edhe gazetarët për punën e tyre.

?Shpreh kënaqësi për zhvillimin për gatishmërinë për të bashkëpunuar ngushtësisht me PD, të rithemeluar me Kuvendin e jashtëzakonshëm të saj, në mënyrë që PD të përmbushë misionin e saj të madh.

Të dashur gazetarë, ju përshëndes me përzemërsi sepse e keni përcjellë në publik Foltoren me vërtetësinë e saj. Keni luajtur një rol të jashtëzakonshëm në transparencën edhe pse edhe ju keni qenë subjekt i presioneve të pandershme. Sot jeni në këmbë por domethënia e këtij qëndrimi është e madhe. Nga njëra anë kemi njeriun që mori karriget në zyrën e tij, i çmëndur nga pasioni për karrigët, dhe nga ana tjetër personi para jush që pasion ka të punojë për lirinë e shqiptarëve dhe demokratëve. Në mbledhjen që u zhvillur, dërgova një përshëndetje të përzemërt për të gjithë demokratët kudo janë. Edhe tani dërgoj përmes jush një përshëndetje për demokratët që ende nuk kanë vendosur të bashkohen ne PD-në e rithemeluar.?-tha Berisha./CNA.al





Lajmet e fundit nga