web counter
LEXO PA REKLAMA!

SHKARKO APP

App Store
Google Play

E fundit!

x

Vidhnin naftë bruto/ Arrestohen 4 punonjës të kompanisë Albpetrol

8 Dhjetor 2021, 14:14, Kronika CNA

4 persona, punonjës të kompanisë ?Alpetrol?, janë arrestuar nga policia pasi vidhnin naftë bruto në zonën naftëmbajtëse Visokë-Qafë e Kashit që janë nën administrimin e Albpetrolit.

Sipas uniformave blu, Arjan Kallashi, 49 vjeç me detyrë kryetar i degës teknike Albpetrol, Selami Rustemi, 54-vjeç pergjegjës për mbarëvajtjen e dhe pompimit, Dilaver Idrizaj 56-vjeç dhe Dashamir Merkaj 54 vjeç, të dy punonjës të task forcës në Albpetrol, janë arrestuar.

Ka qenë Drejtori i Kabinetit i Albpetrol, i cili ka bërë kallëzimin pasi sipas tij këta persona kanë vepruar në kundërshtim me urdhrin e brendshëm të Drejtorit të kompanisë Alpetrol, duke transportuar një sasi të konsiderueshme me naftë dhe ujë teknologjik të marrë në depozitat e Usojës, e cila do të injektohej në puset e Kashit.

Nga hetimet dyshohet se nafta bruto mund të jetë vjedhur me autobotët që duhet të pomponin ujë në shtresat e nëntokës, një proces teknologjik që kryehet në puset e naftës. Por personat e përfshirë në këtë skemë grabitjeje në vend të pompimit të ujit, përmes autobotëve kanë vjedhur naftën bruto. Grupi hetimor po vijon verifikimet për të parë nëse në këtë skeme vjedhjeje të naftës janë përfshirë edhe persona të tjerë./S.K-CNA.al





Lajmet e fundit nga