web counter
LEXO PA REKLAMA!

SHKARKO APP

App Store
Google Play

Rasti i parë me variantin e ri të COVID-19 mbërrin në Belgjikë

26 Nëntor 2021, 18:30, Kosova & Bota CNA

Në Belgjikë është konstatuar të premten rasti i parë me variantin afrikano-jugor të COVID-19, që ka ngritur shqetësime të shumta për shkak të kapaciteteve të infektimit.

Ka qenë vetë ministri belg i Shëndetësisë, Frank Vandenbroucke që ka konfirmuar zbulimin e variantit në fjalë.

?Tashmë është konfirmuar se ky rast i përket këtij varianti. Ai u konstatua tek një person që erdhi nga jashtë, i cili rezultoi pozitiv më 22 nëntor dhe që nuk ishte i vaksinuar?, ka deklaruar ministri.

Ndërkohë, autoritete të tjera belge saktësuan më tej se varianti i ri është pikasur tek një udhëtar që ishte kthyer nga Egjipti.

Situata ka bërë që vende të shumta evropiane, përfshirë këtu Francën, Gjermaninë dhe Italinë, të vendosin kufizime të shumta mbi udhëtimet nga vendet e Afrikës së Jugut, si dhe një karantinë 14-ditore për personat që vijnë nga këto vende, qofshin apo jo të vaksinuar.

Komisioni Evropian u ka rekomanduar të gjitha vendeve anëtare të BE-së që të ndjekin të njëjtat masa.

Konstatimi i variantit të ri vjen në një kohë kur shumë shtete po adoptojnë të ashtuquajturat ?masat e dimrit?, për shkak të rritjes së infektimeve dhe shtrimeve në spitale./euronews





Lajmet e fundit nga