E fundit!

11:07 Aktualitet

Krimi zgjedhor dhe imuniteti i Ballukut/ Kreu i SPAK vendos pikat mb “i”: Pa prova nuk ngrihen akuza

Kreu i Prokurorisë së Posaçme, Klodjan Braho ka folur për ...

Nga shokë klase në rivalë politik/ Luan Rama dhe Bujar Nishani bëhen bashkë pas 40 viteve

26 Nëntor 2021, 19:40, Politikë CNA

Luan Rama dhe Bujar Nishani, të dy figura të njohura politike janë bërë bashkë pas 40 viteve.

Ka qenë vetë Luan Rama, ai i cili përmes një postimi në rrjetin social Facebook tregon historinë e njohjes së tyre, por edhe periudhën që iu desh të shkëputeshin për të marrë drejtime të ndryshme në jetë.

Rama thekson se me Nishanin ata janë bërë bashkë në emisionin e tij ?Drejt?, ku rolet janë të përcaktuara, ish presidenti si i ftuar, ndërsa Luan Rama si moderator.

?ME BUJAR NISHANIN,

NË HAPËSIRËN E 40 VITEVE?

Me Bujar Nishanin njihem që prej shtatorit të vitit 1981.

Kemi qenë shokë të një brezi në klasa paralele, në ish shkollën e mesme ushtarake ?Skënderbej?.

Më pas rrjedha e jetës na ndau;

ai pasi kreu studimet e larta në Shkollën e Bashkuar të Oficerëve,

u emërua po aty pedagog,

ndërsa unë, pasi kreva studimet e larta në fakultetin e filologjisë në Universitetin ?Luigj Gurakuqi? në Shkodër, u emërova gazetar në gazetën ?Zëri i Popullit?.

Pas ndryshimit të sistemeve, ecëm në kahje të ndryshme, unë në të majtë, e Bujari në të djathtë.

Unë, i pari skënderbegas që pasi kisha qenë më parë ministër i kulturës u bëra edhe ministër i mbrojtjes e më pas edhe ministër i rendit publik, ndërsa Bujari që ka qenë edhe ministër i brendshëm, edhe ministër i drejtësisë, u zgjodh edhe President i Republikës.

40 vjet pas takimit tonë të parë në sheshin e rreshtimit në ish shkollën ?Skënderbej?, u bëmë sërish bashkë edhe në studion e emisionit ?DREJT? në RTV Ora, unë gazetar dhe Bujari i ftuar në emisionin tim.

I matur e logjik, racional dhe etik, por edhe dinjitoz në gjithçka thotë me shumë modesti, Bujar Nishani është gjithmonë një bashkëbisedues i këndshëm që të imponon respekt.

I tillë ka qenë që kur e kam njohur unë, dhe i tillë ka mbetur.

Nuk është e lehtë, por Bujari ia ka dalë??, shkruan Luan Rama./CNA.al