E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Kjo është betejë dinjiteti”/ Berisha zbulon të vërtetën e bisedës me Bashën

26 Nëntor 2021, 16:49, Politikë CNA

Ish kryeministri, Sali Berisha akuzoi kreun e PD, Lulzim Basha se ka transformuar të vërtetën e thënë në një bisedë bisedë mes tyre, ku ky i fundit ka shprehur se Berisha nuk pyet për PD-në.

Lideri historik theksoi se kjo betejë e tij e nisur është për dinjitet dhe se mbi çdo gjë vendos idealet dhe interesat e demokratëve.

?Këto ditë Basha ka deklaruar me tellallët se unë i paskësh thënë që për veten nuk pyes për PD, fakti që unë sot jam midis jush tregon se unë mbi çdo gjë tjetër, ve idealet dhe interesat tuaja. Por cila është e vërteta e kësaj bisede? Ua tregoj unë.

Dy muaj më parë vjen dhe më thotë se i ka thënë ambasadorja n.q.s Berisha nuk largohet nga parlamenti do të ketë këto pasoja të tmerrshme mbi fëmijët e tij, mbi Berishën. Unë i them sa vijon, Lul, kjo betejë e imja është për dinjitet dhe unë dinjitetin tim nuk e jap për asgjë në botë. Nuk ka forcë që më merr mua dinjitetin. Fëmijët e mi janë 100% dakord me mua në betejën time për dinjitet.

Partia ime, i them, nqs pranon gënjeshtrën për të vërtetë, nuk meriton të jetë parti politike. Ke të drejtë, më tha, ashtu është. Ky është historiku i bisedës time. Dhe nuk ia kam thënë kurrë që nuk pyes për PD. E vërteta është se unë dhe çdo njeri i ndershëm dhe i lirë, ve çdo gjë mbi dinjitetin e tij. Kemi një fjalë të moçëm, më mirë qiri i fikur se sa qiri i fëlliqur.

Gjatë këtyre kohëve u jep tellalëve të tij të qeverisë mashtrime nga më të ndryshmet. U shpreh se Sali Berisha ka mbledhur firma me kriminelë. Sali Berisha po të jetë për emra, sa të gjithë të tjerët së bashku i kam denoncuar me emra. Mua s?më kanë kërcënuar, por edhe po ta bëjnë, nuk pyes fare. Ata terrorizojnë dhe unë i godas në mënyrën që ta dinë se ka një zë”, tha Berisha./CNA.al