web counter
LEXO PA REKLAMA!

SHKARKO APP

App Store
Google Play

E fundit!

x

E rëndë në Maliq/ U rrah nga bashkëshorti, 22 vjeçarja tenton vetëvrasjen

21 Nëntor 2021, 08:36, Kronika CNA

Një 34 vjeçar me iniciale E.R është arrestuar në Maliq, rrethi Korçë pasi ka ushtruar dhunë fizike ndaj bashkëshortes së tij, shtetases E. R, 22 vjeç.

Mësohet se 22 vjeçarja është gjetur në gjëndje të rënduar psikologjike dhe ka tentuar vetëvrasjen me thikë. Momentalisht ndodhet në spitalin e Korçës nën kujdesin e mjekëve.

Njoftimi i plotë:

“Ushtroi dhunë fizike dhe psikologjike ndaj bashkëshortes së tij, e cila më pas tentoi të vetëvritej, vihet në pranga 34-vjeçari.

Specialistët për Hetimin e Krimeve në Komisariatin e Policisë Maliq, në vijim të punës për zbardhjen e plotë të rrethanave të ngjarjes së ndodhur mbrëmjen e djeshme në fshatin Orman, Maliq, bënë arrestimin në flagrancë për veprën penale “Dhuna në familje”, të shtetasit E. R., 34 vjeç, banues në këtë fshat.

Nga veprimet hetimore të kryera, rezulton se ky shtetas në banesë, ka ushtruar dhunë fizike dhe psikologjike, ndaj bashkëshortes së tij shtetases E. R., 22 vjeçe, e cila në gjendje të rënduar psikologjike, ka tentuar të vetëvritet me thikë dhe ndodhet në Spitalin e Korçës nën kujdesin e mjekëve.

Materialet i kaluan Prokurorisë së Rrethit Gjyqësor Korçë për veprime të mëtejshme”./CNA.al





Lajmet e fundit nga