E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK, Klodjan Braho gjatë raportimit të tij në Komi...

Konfindustria kundër paketës fiskale/ Penalizon prodhimin vendas, godet bujqësinë

16 Nëntor 2021, 13:36, Aktualitet CNA

Konfindustria i kërkon Kuvendit të vijojë konsultimin me grupet e interesit, në lidhje me paketën e re fiskale.

Në një njoftim zyrtar, Konfindustria thekson se diskutimet për këtë paketën fiskale kanë qenë më të shkurtrat në nivel historik dhe se ajo është ndërtuar duke synuar vetëm pjesën financiare të mbushjes në afatshkurtër të buxhetit dhe do të krijojë vështirësinë për prodhimin vendas.

Po ashtu, sipas Konfindustrisë sektorët më të prekur nga kjo paketë fiskale do të jetë bujqësia, kryesisht nga serat industriale, prodhimi i qumështit dhe nënproduktet e tij, agroturizmi etj.

“Konfindustria, duke marrë shkak nga problematikat e draftit të paketës fiskale 2022, kërkon nga ekzekutivi dhe Kuvendi i Shqipërisë të bëjë të mundur vazhdimin e konsultimit me grupet e interesit gjatë shqyrtimit në seancë plenare. Këshillimet me grupet e interesit në përgatitjen e paketës fiskale 2022 kanë qenë nga më të shkurtrat në nivel historik. Konfindustria vlerëson, se paketa fiskale 2022 është ndërtuar, duke synuar vetëm pjesën financiare të mbushjes në afatshkurtër të buxhetit. Në mënyrë të papranueshme mungojnë krejtësisht vlerësimet e domosdoshme arsyetuese të pasojave ekonomike të zbatimit të saj në nivel kombëtar dhe kategorive të prekura të biznesit. Shënojmë, se Shqipëria nuk ka portofol të veçantë qeveritar për ekonominë, por e ka të përfshirë në konflikt të qartë interesi institucional brenda Ministrisë së Financave.

Konfindustria vlerëson, se draft paketa fiskale 2022 në tërësi do të krijojë vështirësi shtesë për: – prodhimin vendor, – industritë, sidomos në kushtet e krizës energjetike, – uljen e fuqisë konkurruese të ekonomisë në tërheqjen e investimeve si dhe – krahësimisht prodhimeve dhe shërbimeve të ngjashme të importit. Përfundimet e analizës së Konfindustrisë, mbështetur në të dhënat e ardhura nga bizneset tregojnë, se sektorët ekonomikë më të prekur parashikohet të jenë; – sektori i prodhimeve bujqësore, kryesisht nga serat industriale, – prodhimi i qumështit dhe nënproduktet e tij, – agroturizmi, -kategori të gjera të ndërmarrjeve të vogla dhe të mesme/SME”

Në lidhje me paketën fiskale, Konfindustria vlerëson dy propozime “ndryshimet në tatimin mbi të ardhurat dhe pagën, si dhe taksën shtesë të karburanteve për jahtet turistike”.-thuhet në deklaratë./CNA.al