web counter
LEXO PA REKLAMA!

SHKARKO APP

App Store
Google Play

Thirrja e Bashës për Kuvendin me 18 dhjetor/ Berisha: Përpjekje qesharake për të ndalur këtë lëvizje vullkan

15 Nëntor 2021, 18:09, Politikë CNA

Ish kryeministri Sali Berisha, në një konferencë për shtyp, e ka quajtur qesharake deklaratën e Bashës, i cili gjatë mbledhjes së kryesisë ka kërkuar të mbahet Kuvend Kombëtar me 18 dhjetor.

Berisha është shprehur se Rama dhe pengu  i tij Basha po përpiqen të minojnë sot përpjekjen madhore të shqiptarëve dhe revolucionin e tyre paqësor për rivendosjen e pluralizmit politik në Shqipëri.

?Edvin Kristaq Rama njëlloj si daja i tij,  i cili në 1990 në datën 11 dhjetor propozonte të fuste tanket pluralizimit. Ky pasardhës besnik i tij, me peng Bashën përpiqet të minojë sot përpjekjen madhore të shqiptarëve, revolucionin e tyre paqësor për rivendosjen e pluralizmit politik në Shqipëri.

E them këtë sepse sot, pasi prej disa ditësh u dorëzuan në selinë e PD, 4200 firma te delgatëqve të Kuvendit të PD, të grave dhe burrave, djemve dhe vajzave vizionar, të cilët konstatojnë dhe ndjejnë se në Shqipëri, PD e shndërruan në një fasadë të pushtetit, të cilët konstatojnë dhe e ndjejnë se rikthimi i kësaj partie është jetik për pluralizimin politik, 4200 guximtar u ngritën mbi të gjithë format banale dhe të pandershme të presioneve dhe firmosën për rivendosjen e pluralizmit, firmosën për çmonitmin e narkoshtetit, dhe për një të ardhme të vendit të tyre.

Një sjellje të tillë më kujton mua qëndrimet e pallateve të kuqe në vitin 90 ndaj studentëve. Përpjekje të tilla për të bllokuar në një mënyrë apo në një tjetër vullkanin apo këtë lëvizje vullkan janë qesharake po aq edhe të turpshme?, tha Berisha.CNA.al





Lajmet e fundit nga