Çështja Rezart Taçi/ Artan Hoxha: Përgjimet nxjerrin në dritë ministra, priten çudira

15 Nëntor 2021, 18:59, Kronika CNA

Gazetari Artan Hoxha ka komentuar vendimin e SPAK për nisjen e hetimit të pasurisë për biznesmenin Rezart Taçi, i cili gjithashtu u shpall në kërkim ndërkombëtar, pasi akuzohet se është përfshirë në një operacion financiar për fshehjen e mbi 18 milionë eurove nga konfiskimi në Itali dhe pastrimin e tyre në Shqipëri.

I ftuar në emisionin “Radari Informativ” me Jonida Shehun në ABC News, Hoxha deklaroi se hetimi kundrejt Taçit është ndryshe herëve të tjera sepse këtë radhë, ai nuk e ka më fuqinë ekonomike, lidhjet me politikën dhe agjencitë e zbatimit të ligjit, ndaj dhe është ?zënë ngushtë?.

?Ai nuk e ka më fuqinë që ka patur, ekonominë, lidhjet me politikën dhe agjencitë e zbatimit të ligjit. Sot hetimin e bën SPAK dhe Taçi nuk e ka më atë potencë e lidhje. Ngjarjet nisin që në Korrik, është përgjuar, është hetuar. Taçi dihej që ai po qëndronte në Milano sepse kishte probleme në Zvicër. Sot ai është në kërkim ndërkombëtar. Ai ka thënë që do të vijë, por ka fikur telefonin. A erdhi Llalla? Ajo që del në përgjime është loja kur mësohet që këto para janë sekuestruar. Taçi deri tani kishte marrë përsipër komisionin e lëvizjes së parave”, tha Hoxha.

Nga ana tjetër, gazetari Hoxha ka shtuar senë përgjime knë dalë në dritë një sërë emrash ministrash e zyrtarësh nga politika, gjë për të cilën nga pikëpyetjen nëse është hetuar apo jo lidhur me këtë fakt.

?Kur italianët e kuptuan që paratë janë bllokuar, kaluan tek plani B. Është si rasti i Ndraghetës, ku del kryetari I bashkisë. Këtu në përgjime futen emra ministrash. I kanë thënë që duhet të firmosin të gjithë ministrat që të lirohen paratë. Këto ishin spekulime më tepër. Janë përmendur personazhe të rëndësishëm në Shqipëri, në nivel të ministrave të qeverisë aktuale.

Nga përgjimet nëse janë përmendur emrat e pushtetarëve, a është hetuar për këtë gjë? Mbase del ndonjëri që është përfshirë vërtet, kjo duhet hetuar. Prokuroria shqiptare ka vënë në shënjestër Taçin si njeriu që ka marrë përsipër këtë lloj transferte. Do dëgjojmë çudira kur të dalin përgjimet. Përgjimet kanë dhënë informacin për të krijuar një tablo të qartë të situatës?, theksoi Hoxha./CNA.al