web counter
LEXO PA REKLAMA!

SHKARKO APP

App Store
Google Play

“Basha na shiti”/ LSI i nxjerr të palarat kreut të PD-së

12 Nëntor 2021, 14:17, Politikë CNA

LSI është hedhur në sulm ndaj kreut të PD-së, Lulzim Basha.

Pas kryetares së LSI-së Monika Kryemadhi ka reaguar edhe deputeti Petrit Vasili.

Në një deklaratë për media ai ka thënë se nuk do të heshtin më.

?Mediave shqiptare e rrugëve janë lëshuar thashethemaxhinj e zëdhënës të pazarit Rama-Basha për të përzierë e për të fshehur e për të krijuar alibi për këtë pazar, e duke dashur të zënë me gojë dhe LSI.

Në respekt të qytetarëve, mijëra qytetarëve opozitarë të cilët me ndershmëri deshën ndryshimin është momenti për të thënë të vërtetat e mëdha siç janë e për të mos heshtur më?, ka thënë Vasili.

Sipas tij, e vërteta e madhe është që s?ka pasur kurrë qoftë dhe një propozim të vetëm zyrtar nga partia e Lulzim Bashës për mandate, për numra mandatesh e gjëra të kësaj natyre.

?Anëtarët e kryesisë së Partisë Demokratike janë aty, anëtarët e Këshillit Kombëtar të Partisë Demokratike janë aty, le të thonë a kanë parë ndonjë propozim të tillë?

E nëse ka një propozim të tillë zyrtar, këtë dokument le t?ja vënë në dispozicion mediave shqiptare që ta njohin por një dokument i tillë nuk ekziston dhe faqja e zezë për ata që mashtrojnë pasi kanë shitur interesat e opozitës ditën për diell?, është shprehur Vasili./CNA.al





Lajmet e fundit nga