web counter
LEXO PA REKLAMA!

SHKARKO APP

App Store
Google Play

Shqipëria U-17 e pafat, barazohet në fund nga Irlanda e Veriut

2 Nëntor 2021, 19:25, Sport CNA

Shqipëria U-17 luajti ndeshjet e fundit për eliminatoret e Europianit, ndaj Irlandës së Veriut. Sfida ishte me të vërtetë spektakolare, teksa u mbyll në barazim 2-2, ku kuqezinjtë ishin dominues gjatë gjithë takimit.

Fraksioni i parë i lojës pa skuadrën tonë superiore ndaj kundërshtarëve, superioritet që u konkretizua me golin e Orsi Agejas në minutën e 34-të.

Djemtë vazhduan lojën sulmuese, krijuan dhe dy mundësi të tjera shënimi por që nuk u konkretizuan.

Në minutën e 52-të, Irlanda e Veriut shfrytëzon në mënyrën më të mirë një rrëmujë në zonë, me topin që goditet nga Boyd dhe përfundon pas krahëve të Totoshit.

Klevis Haxhari në minutën e 66-të godet me të majtën brenda zone duke shënuar një gol shumë të bukur.

Kur ndeshja dukej se do të përfundonte në favor të kuqezinjve tanë, në minutën e 85-të irlandezo-veriorët barazojnë me Kellyman që shfrytëzon një neglizhencë në mbrojtjen tonë.

Pavarësisht insistimit dhe hedhjes totale në sulm, gjithçka mbyllet në barazim 2-2 në këtë rrugëtim eliminator në Irlandën e Veriut.





Lajmet e fundit nga