E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Sheriff-i i pathyeshëm në Tiraspol, nuk do të ketë tifozë italianë në Moldavi…

2 Nëntor 2021, 14:19, Sport CNA

Interi shkon për të zbuluar Moldavinë. Qëllimi është i qartë: nesër të dilet nga ?Bolshaya Sportivnaya Arena? e Tiraspolit, ose ?Sheriff Stadion?, me tri pikë. Vetëm një skuadër në Europa League, ia ka dalë ta arrijë këtë: Tottenham. Spurs fituan 2-0 kundër Sherifit, më 24 tetor 2013, në fazën e ndeshjeve në grupe të Europa League: Jan Vertonghen dhe Jermain Defoe shënuan.

Për të fituar në Champions League dhe për të kapërcyer Sherifin në renditje, Simone Inzaghi duhet të ndjekë shembullin e skuadrës, që atëherë drejtohej nga André Villas-Boas.

Të gjithë të tjerët kanë humbur në Tiraspolin misterioz: Vojvodina, Anzhi Makachkala, Tromsø dhe Shakhtar Donetsk. Suksesi debutues në Champions League erdhi kundër ukrainasve të Shakhtar që drejtohen nga Roberto De Zerbi, gjë që më pas u përsërit me fitoren historike në ?Santiago Bernabeu? kundër Real Madridit.

Interi, në ndeshjen e fundit, arriti një fitore 3-1 ndaj Sheriff-it në ?San Siro? më 19 tetor. Por në Tiraspol nuk do të jenë 43.305 tifozët zikaltër, që inkurajonin lojtarët e Inzaghit. Në realitet nuk do të ketë asnjë, të paktën në letër. Ministria Italiane e Shëndetësisë, në fakt e ka përfshirë Moldavinë në listën e vendeve në zonën e kuqe.

Nga 25 tetori nuk lejohet hyrja në këto shtete për banorët e Italisë, për arsye turizmi dhe argëtimi. Disa tifozë të Interit, gjithsesi ishin të gatshëm të arrinin në Moldavi për të ndjekur ndeshjen jashtë fushe të zikaltërve.

Për djemtë e Inzaghit pritet një ndeshje e komplikuar. Milano dhe Tiraspoli janë më shumë se 2000 kilometra larg, publiku i ngrohtë do të jetë i gjithë në anën e ekipit të Jurij Vernydub dhe duhet pushtuar kalaja e Sheriff-it, e cila gjen strehë të sigurt në shtëpi:

12 gola të shënuar dhe asnjë të pësuar në katër të fundit në Divizionin e Parë të Moldavisë. Bilanci 19-1 duke marrë parasysh pesë të fundit, me 7-1 ndaj Dinamo-Auto, më 7 gushtin e kaluar. Moldavia është një tokë për t?u zbuluar. Për Interin edhe për t?u ?pushtuar??