web counter
LEXO PA REKLAMA!

SHKARKO APP

App Store
Google Play

E fundit!

x

Merr kthesë historia/ Studiuesit identifikojnë “Homo Bodoensis”, paraardhësin e drejtpërdrejtë të njeriut

29 Tetor 2021, 06:47, Kuriozitete CNA

Kafka e një një specie të re të njeriut të lashtë është zbuluar në Afrikë dhe ekspertët besojnë se ishte një paraardhës i drejtpërdrejtë i njerëzve modernë.

Lloji i ri i zbuluar është quajtur ?Homo Bodoensis? dhe mendohet se ka jetuar gjatë Pleistocenit të Mesëm, rreth 500,000 vjet më parë.

Studiuesit nga Universiteti i Winnipeg shpresojnë se zbulimi do të sjellë njëfarë qartësie në këtë epokë, gjatë së cilës evolucioni njerëzor është kuptuar keq, shkruan CNA.al.

Dr Mirjana Roksandic, e cila drejtoi studimin, tha: ‘Të flasësh për evolucionin njerëzor gjatë kësaj periudhe kohore u bë e pamundur për shkak të mungesës së terminologjisë së duhur që pranon variacionet gjeografike njerëzore.’

Në studim, studiuesit rivlerësuan fosilet ekzistuese nga Afrika dhe Euroazia që datojnë nga periudha e Pleistocenit të Mesëm.

Tradicionalisht, këto fosile janë identifikuar si Homo heidelbergensis ose Homo rhodesiensis.

Sipas Daily Mail, provat e fundit të ADN-së kanë treguar se disa fosile në Evropë të identifikuar si H. heidelbergensis ishin në të vërtetë Neandertalët e hershëm.

Në analizën e tyre të re, studiuesit sugjerojnë kafka e gjetur në Bodo D’ar, Etiopi nuk i përket as H. heidelbergensis dhe H. rhodesiensis, por në vend të kësaj, është një specie krejtësisht e re.

Për nder të vendndodhjes në të cilën u zbulua kafka, studiuesit e kanë emëruar specien H. Bodoensis.

Ndërsa dihet ende pak për speciet e reja, studiuesit besojnë se H. bodoensis kishte një trup të shkurtër dhe të trashë, të përshtatur për të ruajtur nxehtësinë në klimat më të ftohta./CNA.al





Lajmet e fundit nga