web counter
LEXO PA REKLAMA!

SHKARKO APP

App Store
Google Play

“Bulqiza u godit nga tërmeti dhe u “pushtua” nga mjegulla”/ Banorët në panik: Nuk është lojë

29 Tetor 2021, 08:43, Aktualitet CNA

Bulqiza ishte epiqendër e disa lëkundjeve sizmike në 24 orët e fundit, ndërsa goditja më e fortë prej 4.5 ballë, i shkallës Rihter, u regjistrua mëngjesin e sotëm.

Tërmeti ka frikësuar banorët, të cilët rrëfejnë se dolëm me shpejtësi nga shtëpitë dhe lokalet. ?U frikësuam mjaft nga tërmeti. Dolëm krejt kush ishte në lokal dhe ndenjën deri kur u qetësua gjendja. Ra dy- tre herë? tha një banor, për abcneës.

?Nuk është lojë, tërmet është, dolëm jashtë. Çfarë të bënim? Ne ishim në lokal brenda dhe dolëm përnjëherë jashtë? tha një tjetër.

Por a ka banesa të dëmtuara? ?Jo, nuk dimë gjë për dëme në banesë? tha një tjetër.

Veç tërmetit, zona e Bulqizës është ?pushtuar? edhe nga mjegulla mëngjesin e sotëm.

Në 24 orët e fundit vetëm në zonën e Bulqizës sipas IGJEUM-it, janë shënuar gjashtë lëkundje sizmike.

Sizmologu Rrapo Ormeni, në një prononcim për abc, u shpreh se nuk ka asgjë për t?u shqetësuar.

?Kjo e sotmja duket se është një goditje kryesore. Tërmetet janë dy tipologji, goditja kryesore ka para dhe pas goditje. Shumica janë pasgoditje. Është tipi i tërmetit që është shoqëruar me paragoditje. Janë procese normale që ndodhin. Ky tërmet është normal, i vogël? tha ai.

Sizmologu qetësoi qytetarët kur tha se tërmeti i regjistruar sot në Bulqizë nuk ka lidhje me atë që ndodhi në Durrës në 26 nëntor të 2 viteve më parë, tragjedia me 51 viktima. ?Nuk ka lidhje. Është zonë tjetër nuk ka lidhje me zonën e Durrësit. Zona e Bulqizës është e dalluar, bie në cdo cdo vit një tërmet i kësaj madhësie?.

Muajin e fundit edhe Greqia është goditur nga disa tërmete të fuqishme, por sizmologu thotë se ?Nuk ka lidhje, pasi Greqia është në pllakën e Egjeut, ne jemi me të Adriatikut?.





Lajmet e fundit nga