web counter
LEXO PA REKLAMA!

SHKARKO APP

App Store
Google Play

E fundit!

x

Ish-presidenti bën thirrjen e fortë/ Të shpëtojmë PD, që të shpëtojmë Shqipërinë

28 Tetor 2021, 13:33, Politikë CNA

Ish-presidenti Bujar Nishani ka reaguar pas deklaratave të kreut të PD, Lulzim Basha, sot në Kuvend, I cili sipas tij barazoi Sali Berishën me Edi Ramën.

Në një postim në rrjetet sociale, Nishani shkruan se Basha i kapur peng nga Rama, thjesht ishte kthyer në një asgjesues të alternativës politike duke asgjesuar Partinë Demokratike.

Po ashtu ai i drejton edhe një thirrje të fortë demokratëve, ndërsa thekson se ?duhet të shpëtojmë sa më parë PD që të shpëtojmë Shqipërinë?.

?Lulzim Basha deklaroi sot edhe publikisht, atë që kishte bashkëpregatitur prej kohësh me pengmarrësin e tij.

E barazoi Sali Berishën me Edi Ramën !

L. Basha e shpalli atë si të keqen 30 vjeçare të këtij vendi.

Kjo nuk është tradhëti, se edhe tradhëtia apo tradhëtarët e kanë një lloj dimensioni, të lig, por e kanë.

Në modelin e L. Bashës edhe tradhëtia ndihet e fyer po ta krahasosh..

Të gjithë ne, që e kemi denoncuar, kritikuar, kundërshtuar L. Bashën për të gjitha të zezat që ai i ka shkaktuar Partisë Demokratike, kurrë nuk e kemi barazuar atë me Edi Ramën sepse ky i fundit i ka shkaktuar çdo gjëmë këtij vendi, shteti e kombi.

L. Basha i kapur peng prej tij, thjesht ishte kthyer në një asgjesues të alternativës politike duke asgjesuar Partinë Demokratike.

Sot është dita t?u bëjmë thirrje të gjithë atyre deputetëve që ende e ndjejnë se përfaqësojnë vullnetin dhe votën e demokratëve shqiptarë, të distancohen nga projekti ogurzi i rilindjes dhe Edi Ramës, për asgjesimin e Partisë Demokratike, të së djathtës shqiptare, të alternativës politike, të vetë pluralizmit në Shqipëri, për shkak të një pengu !

Të shpëtojmë sa më parë PD që të shpëtojmë Shqipërinë?-shkruan Bujar Nishani./CNA.al

Basha sulmon Metën dhe Berishën/ ?Jeni trekendëshi i Bermudës?





Lajmet e fundit nga