E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Lleshaj humb gjyqin me CNA.al/ Olli: Drejtësia foli, pandëshkueshmëria mund të ndalet

28 Tetor 2021, 12:35, Politikë CNA

Anëtari i Bordit Drejtues të Bindjes Demokratike, Leonard Olli ka reaguar pas vendimit të Gjykatës së Tiranës, e cila rrëzoi padinë e ngritur ndaj CNA.al, nga ish-ministri i Brendshëm Sandër Lleshaj.

Ky i fundit ngriti padi në gjykatë ndaj CNA.al, pas publikimit të skandalit, të blerjes së një makine luksoze BMW, në kohën e pandemisë dhe pas tërmetit katastrofik në Shqipëri.

Në një postim në rrjetet sociale, Olli shkruan se për fat sot foli drejtësia, duke rrëzuar çdo akuzë ndaj CNA.al, e duke pranuar se abuzimi me detyrën dhe shpërdorimi i saj nga ish ministri Lleshaj ishte i vërtetë.

Olli thekson se vendimi i sotëm i Gjykatës së Tiranës, është një tregues i qartë se pandëshkueshmëria mund të ndalet.

Po ashtu ai shkruan se kjo iniciativë për të zbardhur çdo abuzim me detyrat publike dhe shpërdorimin e saj duhet të ndiqet me konsekuencë nga sa më shumë media dhe që zyrtarët publikë të kuptojnë se është populli punëdhënësi dhe ata të punësuarit prej tij dhe je padronët e tij.

?Koha po dëshmon se ajo pak opozitë reale po bëhet nga pak media që kanë mbetur ende të lira në politikat e tyre editoriale dhe nga opinioni publik. Rasti i abuzimeve dhe shpërdorimeve me detyrën nga ofiqarë dhe pushtetarë, sikur rasti i ish ministrit të Brendshëm Lleshaj u ndoq dhe u bë i qartë për publikun nga CNA.al. Arroganca që të jep pushteti i pakufi dhe i falur në tavolinë nga ata që duhet ta mëtonin me çdo kusht, jo vetëm që e bëri Lleshajn të fshihte të vërtetën, por madje të sulmonte publikisht nga foltorja e Kuvendit CNA.al.

Në vend që përunjësisht si shërbëtor publik, të jepte shpjegime sepse në atë post mbahej dhe paguhej me paratë publike, me arrogancë dhe cinizëm sulmoi verbalisht median në fjalë, praktikisht një tentativë për të intimiduar çdo media. Për më tepër, ashtu si çdo arrogant që shkon kaluar, e çoi çështjen në gjykatë, me bindjen se si në shumë raste, drejtësia do të mposhtej nga pushteti ekzekutiv. Por, për fat, ka ende njerëz me integritet dhe profesionalizëm e sot drejtësia foli.

Foli duke rrëzuar çdo akuzë ndaj CNA.al, e praktikisht duke pranuar se abuzimi me detyrën dhe shpërdorimi i saj nga ish ministri Lleshaj ishte i vërtetë. E ndaj me shumë kënaqësi me ju këtë lajm sapo e lexova, pasi është një tregues i qartë se pandëshkueshmëria mund të ndalet. Nëse gazetarët, mediat, editorët e të gjithë ne bashkë, nuk ndalemi nga presionet e pushtetit që përdor shtetin si armë, të vërtetat do të triumfojnë. Është një hap i vogël, por domethënës drejt shtetit të së drejtës. Shpresoj që mos ndodhë ndonjë çmenduri e të apelohet si çështje dhe uroj me gjithë zemër që kjo iniciativë për të zbardhur çdo abuzim me detyrat publike dhe shpërdorimin e saj të ndiqet me konsekuencë nga sa më shumë media dhe që zyrtarët publikë të kuptojnë se është populli punëdhënësi dhe ata të punësuarit prej tij dhe jo padronët e tij!?-shkruan Leonard Olli./CNA.al

CNA.al mposht ish-ministrin e Ramës/ “Kapteri” bie me gjykatë