web counter
LEXO PA REKLAMA!

SHKARKO APP

App Store
Google Play

E fundit!

x

Gjykata e Bashkimit Europian me "dorë të hekurt"/ Dënon Poloninë për reformën në drejtësi

27 Tetor 2021, 15:15, Kosova & Bota CNA

Polonia është dënuar nga ana e Gjykatës së  Lartë të Bashkimit Europian në lidhje me përplasjen e gjatë për pavarësinë e gjyqësorit.

Sipas vendimit të marrë, Varshava duhet t?i paguajë Unionit, 1 milionë euro gjobë në ditë deri në momentin që do të zbatojë detyrimet e ligjit të përbashkët të korrikut të këtij viti.

Vendimi erdhi pasi komisioni ekzekutiv i BE-së kërkoi penalitete financiare ndaj këtij vendi anëtar për ta detyruar atë të zbatojë urdhrin. Por si duket  Polonia ka vendosur të mbrojë qëndrimin e saj në grindjen me Brukselin për reformën në drejtësi duke nënvizuar se ligji i BE-së pengon pavarësinë e gjykatave.

?Penaliteti është i nevojshëm në mënyrë që të shmanget dëmi serioz dhe i pariparueshëm në rendin ligjor të Bashkimit Europian dhe në vlerat mbi të cilat është themeluar Unioni, në veçanti, atë të sundimit të ligjit?, shkruhet në vendim.

Një nga Zyrtarët e Ministrisë së Jashtme është shprehur se blloku është treguar i padrejtë dhe nuk po merr parasysh që kërkesat e parashtruara bien në kundërshtim me Kushtetutën.

Komisioni Europian kërkoi sanksione që muajin e kaluar, pasi Polonia injoroi vendimin e korrikut për të pezulluar menjëherë sistemin e saj të disiplinës juridike. Pika e kontestuar është e Dhomës Disiplinore e Gjykatës së Lartë, e cila përdoret si mjet presioni ndaj gjykatësve për të vendosur në favor të autoriteteve qeveritare./CNA.al





Lajmet e fundit nga