web counter
LEXO PA REKLAMA!

SHKARKO APP

App Store
Google Play

E fundit!

x

15 futbollistë luajnë për herë të parë në derbin Tirana-Partizani

21 Tetor 2021, 14:20, Sport CNA

Sfida e së hënës mes Tiranës dhe Partizanit do të jetë derbi i parë për këtë sezon mes dy skuadrave. Për Partizanin, nuk do të jetë derbi i parë, pasi është ndeshur edhe me Dinamon.

Megjithatë, derbi TiranaPartizani ka një rëndësi shumë më të madhe për shkak edhe të mungesës së gjatë të Dinamos në elitë. E si pasojë, kur afrohet derbi mes bardhebluve dhe ?demave të kuq?, presioni dhe tensioni shtohet ndjeshëm te lojtarët, e sidomos te të rinjtë, të cilët e kanë derbi të parë. Janë plot 15 lojtarë që pritet të luajnë derbin e parë të tyre.

Te Tirana, janë 7 lojtarë të cilët mund të provojnë eksperiencën e parë në një ndeshje të tillë. Bëhet fjalë për Hotin, Totren, Pergjonin, Kozin, Zhivanajn, Xhixhan dhe Limajn. Ky i fundit është në një formë shumë të mirë dhe realizoi një supergol kundër Teutës duke i dhënë fitoren Tiranës.

Ndërsa te Partizani, janë plot 8 lojtarë që mund të veshin fanellën e kuqe për herë të parë në një derbi kundër Tiranës. Sota, Shehi, Damçevski, Albioni dhe Herald Marku, Gligorov, Rrapaj dhe Filipoviç janë lojtarët që mund të luajnë derbin e tyre të parë.

Fakt interesant është se asnjë ?ish? nuk do të ketë në këtë sfidë mes Tiranës dhe Partizanit, ndryshe nga sezoni i shkuar, ku Batha kishte luajtur me të dyja ekipet, ashtu si dhe Torasa. Por këtë sezon nuk do të ketë asnjë lojtar në fushë që ka luajtur për të dyja fanellat.





Lajmet e fundit nga