web counter
LEXO PA REKLAMA!

SHKARKO APP

App Store
Google Play

Po transportonte emigrantë në mënyrë të paligjshme/ Kapet në flagrancë 17 vjeçari

16 Tetor 2021, 09:23, Kronika CNA

Vijon operacioni policor i koduar ?Perimetri?. Një 17 vjeçar është vënë në pranga pasi është kapur në flagrancë duke transportuar emigrantë në mënyrë të paligjshme, kundrejt parave.

17 vjeçari nuk i është bindur urdhrit të policisë për të ndaluar dhe është kapur në Prrenjas ku brenda mjetit të tij Benz janë kapur edhe tre emigrantët.

?Shërbimet e Komisariatit të Policisë Pogradec, në bashkëpunim me Policinë Kufitare dhe Policinë Rrugore, në vijim të operacionit policor të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë arrestimi në flagrancë i shtetasit A. P., 17 vjeç, banues në Tiranë.

Ky shtetas u konstatua nga shërbinet e policisë rrugore, në qytetin e Pogradecit, me mjetin tip “Benz”, të cilët i kanë bërë me shenjë të ndalonte, por A. P., nuk iu bind urdhrit të tyre dhe u largua me shpejtësi. Pas ndjekjes nga forcat e policisë, 17-vjeçari u kap dhe ndalua në qytetin e Prrenjasit, ku në brendësi të mjetit iu gjetën 3 emigrantë të paligjshëm, të cilëve kundrejt shpërblimit, iu kishte premtuar kalimin drejt vendeve të BE-së.

Nga verifikimet e kryera rezultoi se drejtuesi i mjetit, drejtonte mjetin pa leje drejtimi?, njofton policia./ CNA.al





Lajmet e fundit nga