web counter
LEXO PA REKLAMA!

SHKARKO APP

App Store
Google Play

Grabitja e dosjeve të falsifikuara për pronat në Dhërmi?/ Arrestohen dy zyrtarë dhe ndihmësi i tyre

15 Tetor 2021, 07:09, Kronika CNA

Pak ditë më parë është raportuar një grabitje të dosjeve të pronave në zyrat Këshillit të Qarkut në Vlorë.

Sot, Policia ka raportuar disa arrestime, por pa i specifikuar se kanë lidhje me grabitjen apo vetëm me falsifikime.

Një operacion është zhvilluar nga Drejtoria Vendore e Policisë Vlorë, nën drejtimin e Prokurorisë së Rrethit Gjyqësor Vlorë.
Në pranga janë vënë 3 shtetas, 2 prej të cilëve ushtronin funksione publike.

?Në vijim të punës për parandalimin dhe goditjen e veprimtarisë kriminale e falsifikimit të dokumentave dhe Shpërdorimit të detyrës nga persona që ushtrojnë funksion publik, pas një hetimi disa mujor, specialistët për Hetimin e Krimeve Ekonomiko-Financiar, nën drejtimin e Prokurorisë së Rrethit Gjyqësor Vlorë, kanë zhvilluar dhe finalizuar operacionin e koduar ?Formulari?, në kuadër të të cilit u bë ndalimi i shtetasve:
-B. GJ., 60 vjeç, banues në Vlorë.
-K. M., 37 vjeç, banues në Vlorë.
-S. D., 51 vjeç, banues në Himarë?, thuhet në njoftimin e Policisë.

Sipas Policisë, nga hetimet ka rezultuar se shtetasi B. Gj, me detyrë Drejtor i Drejtorisë së Administrimit dhe Mbrojtjes së Tokës, pranë Këshillit të Qarkut Vlorë, në bashkëpunim me specialistin e kësaj drejtori shtetasin K. M, dhe shtetasin S. D, dyshohen se kanë falsifikuar formularët e AMTP dhe Formularin nr.6 për regjistrimin e një pasurie (truall), në fshatin Dhërmi.

Materialet proceduriale do ti kalojnë Prokurorisë pranë Gjykatës së Shkallës së Vlorë, për veprat penale ?Shpërdorimi i detyrës nga persona që ushtrojnë funksione publike? dhe ?Falsifikimi i vulave, stampave ose formularëve?, e kryer në bashkëpunim./CNA.al





Lajmet e fundit nga