web counter
LEXO PA REKLAMA!

SHKARKO APP

App Store
Google Play

Nxorri armën dhe u fut mes sherrit/ Nisin hetimet për efektivin e policisë në Korçë

10 Tetor 2021, 09:41, Kronika CNA

SHÇBA ka nisur hetimet për një efektiv policie në Korçë.

Për arsye se polici është bërë pjesë e një sherri duke përdorur edhe armën e shërbimit.

Sipas SHÇBA, ai nuk ka deklaruar se është punonjës policie dhe as nuk ka bërë raportimin e ngjarjes.

?Në vijim të informacionit paraprak datë 09.10.2021, i cili bën fjalë për një konflikt të ndodhur në lagjen nr. 17, Korçë, ju informojmë se specialistët për Hetimin e Krimeve në Komisariatin e Policisë Korçë, në bashkëpunim me Shërbimin për Çështjet e Brendshme dhe Ankesat (SHÇBA) filluan procedimin penal për veprën ?Plagosja e lehtë me dashje?, për shtetasin A. K., 22 vjeç, banues në fshatin Vranisht, Devoll dhe për veprën penale ?Shpërdorimi i detyrës? për shtetasin E. J., 21 vjeç, banues në Korçë (me detyrë punonjës policie pranë Komisariatit Korçë).

Nga veprimet hetimore të kryera rezultoi se shtetasi A. K., gjatë një konflikti për motive të dobëta, ka dëmtuar me mjete të forta shtetasin E. Sh., 23 vjeç, banues në Korçë, i cili u dërgua në Spitalin e Traumës Tiranë, ku ndodhet jashtë rrezikut për jetën. Ndërsa punonjësi i policisë, E. J., duke qenë jashtë shërbimit, është përfshirë në këtë konflikt ku ka nxjerrë armën e shërbimit, pa u prezantuar si punonjës policie dhe gjithashtu nuk ka kryer raportimin e ngjarjes?, thuhet në njoftimin e SHÇBA-së./CNA.al





Lajmet e fundit nga