web counter
LEXO PA REKLAMA!

SHKARKO APP

App Store
Google Play

E fundit!

x

“Korrupsion dhe keqmenaxhim”/ Basha tregon shkakun e krizës

8 Tetor 2021, 11:41, Politikë CNA

Kryetari i Partisë Demokratike, Lulzim Basha ka dalë sot në një konferencë për mediat, ku ka reaguar sërish në lidhje me paralajmërimin e kryeministrit Edi Rama, për krizën energjitike.

Basha ka akuzuar kryeministrit, që sipas tij është përgjegjësi kryesor i situatës.

Sipas Bashës, ajo çfarë Rama deklaroi është vetëm për të justifikuar atë që ka në plan të bëjë me çmimin e energjisë, është një teatër mashtrimesh.

Gjithashtu Basha tha se kjo nuk është krizë energjitike, por është krizë korrupsioni dhe keqmenaxhimi me shkak dhe me plan.

?Rama spërdridhej para gazetarëve jo si kryeministër, por si avokat i atyre me të cilin ndan atë që ju merr qytetarëvë prej 8 vitesh. Për të justifikuar atë që Rama i bën këtij populli të varfër ai gënjën që të duket sikur rritja e çmimeve është e pashmangshme. Kjo është krizë korrupsioni jo energjitike. Është krizë keqmenaxhimi me plan dhe me shkak. Ata shfrytëzojnë taksat e qytetarëve që të bëjnë tendera korruptive. Ai nuk iu shërben qytetarëve të thjeshtë.?-tha Basha.

Më tej ai tha se ?Populli duhet ta dije se lekët ekstra që ata paguajnë shkojnë në xhepat e zyrtarëve. Jo më kot jemi vendi më i korruptuar në Europë, Edi Rama me vetëdije ka zgjedhur të jetë kështu. Që qytetarët të varfërohen dhe oligarkët të pasurohen.?

Gjithashtu Basha tha se paratë e shqiptarëve shkojnë për pasurimin e zyrtarëve të shtetit dhe të oligarkëve.

Sipas Bashës, këto para shfrytëzohen për parajsat fiskale.

?Këto para shfrytëzohen për parajsat fiskale ashtu si edhe është publikuar kohët e fundit. Këto janë miliona euro që dalin nga xhepi juaj përmes taksave që ju paguani dhe shkojnë për pushtetin personal të Edi Ramës dhe zyrtarëve që janë ortakët e tij që nuk i ndahen dhomave kryeministrore, janë ministra apo bashkëpuntorë të tij?-deklaroi Basha./CNA.al





Lajmet e fundit nga