LEXO PA REKLAMA!

SHKARKO APP

“Nuk është larguar por shkarkuar”/ Lala: Veliun do ta mbaj mend për shëtitjen që i bëri Klement Balilit me makinë luksoze

7 Tetor 2021, 20:32, Aktualitet CNA

Gazetarja Klodiana Lala ka theksuar se ish drejtori i Përgjithshëm i Policisë së Shtetit nuk është larguar por është shkarkuar. E ftuar në emisionin ?Të paekspozuarit? me Ylli Rakipin, Lala është shprehur se Veliun do ta mbajë mend vetëm për shëtitjen që i ka bërë Klement Balilit me makinën e tij luksoze.

?Mendoni vërtetë se Ardi Veliu kishte kurajo morale të jepte dorëheqjen? Ardi Veliu i garantoi kryeministrit Rama mandatin e tretë, ishte rojtar i votave, e arriti me sukses, nuk i duhej më kryeministrit dhe e largoi. Nëse flasim për rezultate biem dakort të gjithë që Veliu nuk kishte rezultate.

E vetmja gjë për të cilën unë si gazetare kronike do ta mbaj mend Ardi Veliun është fakti që i bëri shëtitje me makinën e tij zyrtare Klement Balilit, të ashtuquajturit Eskobari i Ballkanit. Të mëdhejtë kur largohen kanë nevojë për makinë luksoze.

Nuk është dorëheqje sepse ishte tekst skandaloz, nuk kishte kokën zyrtare, mungonte teksti i hartuar mirë. Rama fakti që e përdori si ushtar 4 vite i la mundësinë të ?dorëhiqej?. Keni parë ju të dorëhiqet ndonjë në këtë vend. Drejtorët shkarkohen dhe pastaj japin dorëheqjen?,  ka thënë Klodiana Lala./ CNA.al

Lajmet e fundit nga