web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria zbret në fushë, dëmtimi i Ismajlit shqetëson Rejan

4 Tetor 2021, 17:39, Sport CNA

Pas konferencës zyrtare të teknikut Edi Reja, pasditen e të hënës kombëtarja e Shqipërisë ka zbritur në seancën e parë stërvitore në prag të takimit përballë Hungarisë. Seanca e parë kishte një karakter taktik, pa sforco, për vetë faktin se pjesa më e madhe e lojtarëve sapo janë bashkuar me grupin, ndërsa ka dhe prej atyre që në fundjavë luajtën 90 minuta të plota në kampionatet e tyre, si Berat Gjimshiti dhe Rei Manaj. Madje mbrojtësi i Atalantës ishte i fundit që iu bashkua skuadrës pasi, klubi bergamask mbylli javën e 7-të në Serie A.

Në këtë grumbullim, siç dihet tashmë do të mungojnë Laçi dhe Abrashi, ndërsa në seancat kuq e zi janë rikthyer Veseli, Dermaku, Lenjani dhe Balliu. Ajo çka shqetëson teknikun Reja, është dëmtimi i Ismajlit, i cili ende është në pikëpyetje dhe pritet të vlerësohet gjendja e tij.

Ndërsa sa i përket portës, balotazhi do të jetë përsëri midis dyshes Berisha dhe Strakosha, të cilët ndryshe nga pjesa tjetër e grupit, seancën e parë stërvitore e nisën me ngarkesën e duhur.

Në fokus është Hungaria, por koha e shkurtër që do të këtë në dispozicion kombëtarja kuq e zi, mund të bëjë që stafi teknik dhe tekniku Reja, gjatë javës të mendojnë edhe për Poloninë, natyrisht për të krijuar një ide, pasi në harkun e 3 ditëve Shqipëria do të luajë të dyja takimet dhe për më tepër i duhet të përshkruaj edhe shumë kilometra.

Paraditen e të premtës kuqezinjtë do të udhëtojnë drejt Hungarisë , ndërsa takimi do të luhet të shtunën e 9 tetorit ndërsa menjëherë pas ndeshjes, pritet që delegacioni i kuqezinjve të fluturojë menjëherë drejt Shqipërisë.





Lajmet e fundit nga