web counter
LEXO PA REKLAMA!

SHKARKO APP

App Store
Google Play

Këshilltarja shqiptare e SPD: Fitore e trefishtë, tani luftohet për të formuar koalicion

27 Shtator 2021, 15:17, Kosova & Bota CNA

Këshilltarja e Partisë Social Demokrate në Gjermani, Rezarta Reimann thotë se ata e prisnin fitoren në zgjedhje dhe pritshmëria ishte që të siguronin një përqindje pak më të lartë.

Ajo tha se për SPD kjo është një fitore e trefishtë pasi kanë siguruar vendin e parë në Bundestag, vendin e parë në zgjedhjet komunale në Berlin dhe kemi fituar një land në veri të Gjermanisë.

Por pavarësisht kësaj diferenca e vogël i bën skeptik nisur nga sistemi qeverisës në Gjermani.

?Qeveria apo bundeskancelari i ri nuk do të zgjidhet nga partia që ka fituar më shumë por nga parlamenti gjerman. Kush arrin të formojë shumicën dhe nuk dihet se si do të shkojnë bisedimet për koalicionin?, u shpreh znj. Reimann.

Në këto kushte këshilltarja e SPD thotë se CDU ka humbur ¼ e votuesve dhe është e qartë që kanë humbur të drejtën për të qeverisur vendin.

Rezarta Reimann thotë se social demokratët do të preferonin një koalicion me FDP dhe Të Gjelbërit.

Nëse një koalicion i tillë do të formohej atëherë në Bundestag do të kishte një shumicë me 417 deputetë.

Nga ana tjetër edhe CDU/CSU nëse arrin koalicion ne po këto dy parti që synon SPD mund të formojë shumicë me 405 vende./euronews





Lajmet e fundit nga