web counter
LEXO PA REKLAMA!

SHKARKO APP

App Store
Google Play

E fundit!

x

Zgjatja e mandatit për institucionet e Vettingut/ Rama: Nuk besoj që opozita do të mungojë në apel

25 Shtator 2021, 19:19, Aktualitet CNA

Kryeministri Edi Rama ka folur për marrëdhëniet mes qevërisë së Shqipërisë dhe asaj të Kosovës, ku edhe do të jetë ditën e hënë i pranishëm për një vizitë.

Në një interviztë për Zërin e Amerikës, kryeministri ka deklaruar se marrëdhëniet mes dy qeverive janë normale. Rama ka thënë se të dyja qeveritë kanë hasur divergjencë lidhur me nismën e Ballkanit të Hapur, por është shprehur se këtu nuk ka arsye për të hasur probleme në marrëdhënie.

?Nuk mendoj që marrëdhëniet me qeverinë e Kosovës janë në një pikë të ulët. Mendoj që ne jemi në një marrëdhënie normale. Natyrisht që marrëdhënia mes qeverisë së Shqipërisë dhe qeverisë së Kosovës ka një potencial të jashtëzakonshëm dhe asnjëherë nuk është mjaft të thuhet që është e mirë, pasi mund të jetë gjithmonë më e mirë. 

Patjetër që kemi një divergjencë lidhur me Nismën e Ballkanit të Hapur, por kjo është një divergjencë që, në këndvështrimin tim, nuk është një arsye për të pasur një problem në marrëdhënie, por është një arsye për të diskutuar qetësisht dhe për ta trajtuar me argumenta dhe me respekt reciprok?, ka thënë Rama.

Përsa i përket nevojës së zgjatjes së proceseve të vettingut, Rama është shprehur se nuk beson se opozita do të mungojë në apel, kur do te numërohen votat në funksionin e kësaj reforme.

?Natyrisht që ne nuk i kemi votat për të bërë ndryshimin përkatës, por nga ana tjetër kjo është një reformë, e cila nuk është vetëm e jona, por është një reformë që ka patur qysh ditën e parë mbështetës dhe garantë Shtetet e Bashkuara të Amerikës dhe Bashkimin Europian, dhe unë nuk besoj që opozita do të mungojë në apel, kur do të numërohen votat në funksion të kësaj reforme?, ka thënë Rama./ CNA.al





Lajmet e fundit nga