web counter
LEXO PA REKLAMA!

SHKARKO APP

App Store
Google Play

E fundit!

x

Me dokumente false drejt Italisë/ Tre persona ndalohen në Rinas

23 Shtator 2021, 07:04, Kronika CNA

Policia Kufitare Rinas, në kuadër të masave të shtuara për goditjen e paligjshmërisë, ka parandaluar dhe goditur një rast të veprimtarisë kriminale në fushën e falsifikimit të dokumenteve.

Tre persona kanë rënë në pranga si dhe janë sekuestruar dokumenta të falsifikuara, që përdoreshin nga këta shtetas për të kaluar kufirin në mënyrë të jashtëligjshme.

Në kohën që kanë kaluar për kontroll të imtësishëm në vijën e dytë, shtetasit P. C, A. K, dhe E. H, të cilët do të udhëtonin me linjën ajrore, me destinacionin ?Bolonja?, janë konstatuar me problem.

Gjatë kontrollit të ushtruar ndaj këtyre shtetasve, Policia gjeti dhe sekuestroi 3 letërnjoftimi italiane, 3 patenta italiane si dhe 3 dokumenta shëndetësore italiane, të dyshuara të falsifikuara.

Në vijim të veprimeve, janë arrestuar në flagrancë shtetasit P. C., 25 vjeç, A. K., 19 vjeç dhe E. H., 22 vjeç, të tre banues në Tiranë, për veprat penale ?Falsifikimit të letërnjoftimeve, të pasaportave ose të vizave? dhe ?Falsifikimi i dokumenteve?, të kryera në bashkëpunim./CNA.al





Lajmet e fundit nga