web counter
LEXO PA REKLAMA!

SHKARKO APP

App Store
Google Play

E fundit!

x

Reciprociteti i targave/ Deputeti shqiptar në Serbi: Vendim i drejtë, Vuçiç nuk po respekton marrëveshjet

21 Shtator 2021, 18:47, Aktualitet CNA

Deputeti shqiptar në parlamentin e Serbisë, Shaip Kamberi, e ka cilësuar të drejtë vendimin e qeverisë së Kosovës për të kërkuar zbatimin e marrëveshjes së reciprocitetit të targave.

Kamberi ka deklaruar se Serbia po manipulon prej 10 vitesh duke mos respektuar marrëveshjen që e ka nënshkruar vetë.

Më tej ai ka theksuar se Serbia nuk do të tërhiqet pa ndonjë presion ndërkombëtar nga BE-ja.

?Është Serbia ajo që manipulon dhe për 10 vite me radhë nuk respekton një marrëveshje që e ka nënshkruar vetë. Marrëveshjen e targave Serbia prej 10 vitesh po refuzon ta respektojë. Serbia nuk ka marrë asnjë aksion deri tani që ta zgjidhë këtë problematikë. Edhe vendimi në Prishtinë është i imponuar nga qëndrimi i Serbisë

Besoj që do fillojë ndërmjetësimi i ndërkombëtarëve, për të gjetur një zgjidhje të ndërmjetësuar dhe të pranuar nga të dy palët. Dyshoj se Serbia mund të tërhiqet pa ndonjë presion ndërkombëtar?, ka thënë Kamberi në Abc News.

Kamberi ka shtuar më tej se retorika e Vuçiç mund të ashpërsohet në vijim duke qenë se Serbia vitin tjetër zhvillon zgjedhjet presidenciale.

?Situata e tensionuar ka të bëjë me pjesën e veriut. Retorika e sotme është e karakterit verbal dhe aty do të përfundojë. Kjo është një retorikë e brendshme e Vuçiç që do të ashpërsohet sa më afër të vijnë zgjedhjet e vitit të ardhshëm për president?, është shprehur ai./ CNA.al





Lajmet e fundit nga