web counter
LEXO PA REKLAMA!

SHKARKO APP

App Store
Google Play

E fundit!

x

Probleme me furnizimin e ujit/ Ankohen banorët e Nartës: Ndërmarrja është vetëm për para

19 Shtator 2021, 17:50, Sociale CNA

Banorët e Nartës kanë ngritur shqetësimin e mungesës së ujit.

Sipas tyre vetëm 2 orë në ditë është koha kur ata mund të gjejnë ujë në rubinetet e çezmave, por përpos kësaj, sipas banorëve uji është edhe i ndotur.

“Gjithë beharin ata të ndërmarrjes së ujërave kanë bërë terror këtu në fshat. Në kuptim që venin nëpër shtëpia dhe iu prishnin ujin kur nuk kishte ujë. Tani nuk duket njeri nga ata, tani që ka një orë ujë nuk vjen më njeri. Njerëzit kanë paguar leshtë e kokës për ujin këtu. Nuk ca kokën njeri. Ndërmarrja është vetëm për para.

Të gjithë tubat janë të shpuara edhe kalon llumi brenda”, është shprehur një prej banorëve për Report tv.

“Unë nuk kam ujë. Një orë në mëngjes dhe një orë në darkë. Uji është i papijshëm.

Sistemi i shpërndarjes së ujit nga moto-pompat në fshat është bërë në mënyrë primitive. Ai atje nuk ka ujë, unë kam ujë. Sistemi i shpërndarjes së ujit është i gabuar. Unë e kam vetëm për larje, për të pirë vete e blej“, u shprehën banorët.

 





Lajmet e fundit nga