E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Debati për zëvendësimin e fjalës “Nënë” dhe “Baba”/ Flet Akil Pano

7 Shtator 2021, 15:53, Sociale CNA

Një debat i ndodhur pak kohë më parë, mes pastorit Akil Pano dhe përfaqësuese së LGBT, Xheni Karaj, për zëvendësimin e fjalës ?Nënë? dhe ?Baba?, përfundoi me një padi nga kjo e fundit, për nxitje të gjuhës së urrejtjes dhe diskriminim.

I ftuar në studion e Syri Tv, pastori Akil Pano, tha se ishte në prezent në seancën gjyqësore por që kishte refuzuar të vijonte më tej pasi sipas tij ishte përballur me shkelje ligjore.

“Seanca u zhvillua por refuzova të çoj më tej seancën, unë isha i këshilluar të shkoja të merrja pjesë në këtë seancë, më duhej të evidentoja para komisionerit ligjet.

E kam kërkuar një seancë dëgjimore publike, ku nënkuptohet prania e medias, familjes, komunitetit dhe pjesa tjetër që do të marrte pjesë.

Ka një shkelje me hapësirën ligjore që çdokush ka të drejtë të paraqitet me një avokat. Unë hyra në seancë, dëgjova hapjen nga komisioneri, dëgjova pretencën dhe parashtrova bazën ligjore, dhe paraqita shkeljet tek komisoneri.

Unë mendoj se e gjithë historia për diskriminim, e gjitha bëhet për shkak të asaj axhende që është në fakt politike?, u shpreh pastori Akil Pano.

Përsa i përket diskriminimit, Pano tha se në këtë mes ndihet i diskriminuar ai dhe familja e tij pasi drejtuesja e LGBT thotë se pse mos ta ndryshojmë fjalën mami dhe babi.

?Natyrisht meritokracia goditet si nocion dhe pse duhet të hyjë disa metra më lart një homoseksuale. Pra pse duhet të favorizohet një grup i caktuar njerëzish. Për hir të së vërtetës debatet nuk kanë qenë të nisura nga nocioni gjinor.

Por çdo bisedë është nisur nga nocioni mami dhe babi. Xheni Karaj ka vendosur edhe një foton time me disa fjalë të mijat me të kuqe, por them që ato janë nocione të montuara. Problemi është ky, ne kemi dalë hapur për të mbrojtur ligjin për martesën.

Unë ndihem i diskriminuar dhe familja ime gjithashtu, kur drejtuesja e LGBTI thotë pse të mos e ndryshojmë nocionin e fjalëve mami dhe babai. Ky eksponent po vendos njeriun tek shtresa e qenieve me inteligjencë të ulët, ashtu siç janë kafshët.

Unë i dua homoseksualët, por më duhet të bëj një dallim, që rasti im nuk duhet t?i përsëritet asnjë pastori dhe rasti i Tafanit nuk duhet t?i përsëritet asnjë gazetareje?, shprehet pastori Akil Pano./ CNA.al