E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Nga Durrësi në Vlorë dhe Sarandë/ Balluku prezanton projektet për mandatin e tretë

16 Shtator 2021, 11:16, Politikë CNA

Ministrja e Infrastrukturës dhe Energjitikës, Belinda Balluku gjatë fjalës së saj në Kuvendin e Shqipërisë, ka prezantuar projektet e dikasterit që ajo drejton, për mandatin e tretë qeverisë.

Balluku foli fillimisht për portet, atë të Durrësit dhe të Vlorës.

Ministrja theksoi se ka nisur puna për portin tregtar të Durrësit, i cili do të ndërtohet në zonën e Porto Romanos.

Ndërsa Porti i Vlorës, tha se do të ndryshojë destinacion, duke u kthyer në një port jahtesh.

Ndërsa duke u ndalur tek aeroportet, Balluku tha se brenda këtij mandati do të mbyllen Aeroporti Ndërkombëtar i Vlorës si dhe Aeroporti i Sarandës, i cili sipas saj do jetë me destinacion turistik sezonal.

?Do të ndaloja fillimisht tek portet. Ka nisur puna për Portin e ri të Durrësit, porti tregtar që do ndërtohet në zonën e Porto Romanos.

Projekti i detajuar mbyllet në muajin tetor, dhe do nisë gara ndërkombëtare për ndërtimin e portit.

Porti i ri ndërkombëtar, i vendosur në Porto Romano, do dorëzohet brenda këtij mandati.

Porti ekzistues do kthehet në një zonë ku do përfshihen edhe ndërtimet me destinacion turistik, por edhe banimet dhe marina elitare, bazuar në marrëveshjen me Emiratet e Bashkuara, ka nisur faza e parë e negocimit.

Për të vazhduar kështu me Portin e Vlorës. Porti i Vlorës do të kthehet në port jahtesh. Porti tregtar zhvendoset në zonën e Triportit. Pas operimeve që kanë nisur në mënyrë normale pa asnjë lloj kufizimi në aeroportin e Kukësit. Brenda nëntorit nisim kantierin për aeroportin e Vlorës. Po bëhet studimi i ambientit dhe menjëherë ngritja e kantierit në zonën e destinuar për t?u bërë ky aeroport që do jetë më i madh. Parashikohet të ketë edhe shërbime për mirëmbajtjen e avionëve dhe transportin e mallrave nga ajri. Kemi hapur garën për aeroportin e Sarandës. Do jetë aeroport turistik sezonal. Na rezulton që do të përpunojë kapacitete të rëndësishme nga muaji prill deri në muajin nëntor për lëvizje charter. Do duhen 24 muaj për ndërtim.

Duke marrë parasysh afatet për garën dhe kontratën, parashikohet të dorëzohet në pranverën 2025, në përfundim të mandatit të tretë. Korridori Blu, për të cilin jemi përgatitur prej kohës, është një garë që e kemi lançuar por për shkak të pandemisë u shty për një afat tjetër. Me fillimin e punës do të rihapet gara por nuk pritet të përfundojë brenda këtij mandati. Për të plotësuar këtë korridor një nga pjesët më të rëndësishme është Bypass-i i Gjirokastrës?, tha Balluku.

Ajo u shpreh se Shqipëria do të bëhet me tre linja hekururdhore. Përpos asaj Tiranë-Durrës, qeveria parashikon ndërtimin e linjave Vorë-Hani i Hotit dhe Durrës-Pogradec.

?Kemi arritur të përmbyllim fazën përgatitore të projektit të parë hekurudha Tiranë-Durrës. Kantieri nis në fund të këtij muaj para se të mbarojë shtatori. Jemi në fazë negociatash për hekurudhën Vorë-Hani i Hotit që do krijojë akses edhe në vende të tjera të Ballkanit. Kjo hekurudhë që prek një pjesë të mirë të të gjithë territorit.

Nuk kemi një paketë për shpronësime. Është vlerësuar, si një projekt me kompleksitet të ulët. Jemi besimplotë që do të dorëzohet brenda këtij mandati. Banka e Investimeve ka marrë përsipër të na mbështesë për segmentin nga Durrësi në Pogradec , por ndërkohë do të nisim me segmentin e parë nga Durrësi në Rrogozhinë.?-tha Balluku./CNA.al