web counter
LEXO PA REKLAMA!

SHKARKO APP

App Store
Google Play

Ndizet debati për përjashtimin e Berishës/ Demokratët e Durrësit njëzëri kundër Bashës

16 Shtator 2021, 11:22, Politikë CNA

Largimi i ish kryeministrit, Sali Berishës nga grupi parlamentar ka ndezur një debat të fortë mes demokratëve, ndërkohë që ish-lideri historik i tyre ka paralajmëruar nisjen e takimeve me bazën e partisë.

Nga qendra debati është zhvendosur në bazë.

Në mbledhja e kryesisë së PD Durrës,  zhvilluar mbrëmjen e së martës, theksi i diskutimeve është përqendruar në vendimmarrjen e liderit Lulzim Basha për përjashtimin e Sali Berishës nga grupi parlamentare.

Vendimmarrja personale e Bashës për largimin e Berishës nuk është pritur mirë nga demokratët durrsakë, të cilët kërkojnë që vendime të këtij lloji të kalojnë përmes procedurave standarte të sanksionuara në statutin e partisë.

Ylli Kasa, kreu i grupseksionit të lagjes nr.4, ka thënë se folësit në mënyrë unanime kanë kërkuar që vendimet apo zgjedhjet të realizohen sipas mënyrave demokratike përmes statutit (këshill, referendum apo zgjedhje), nga anëtarësia e kësaj force politike nga qendra në bazë, shkruan ?Durrësi lajm?.

?Të gjithë folësit konvergjuan në të njëjtin mendim: Vendimet të merren sipas statutit dhe me standarte demokratike, ose me këshill ose me referendum, nga qendra në bazë. Partia Demokratike ka djem, vajza, zonja e zotëri që e ndjejnë vërtetë këtë force politike. Gjë të cilin nuk e shohim tek lidershipi apo ndonjë në qytetin tim që ta ndjej me vendimet, veprimet apo me mosveprimet e tyre gjatë kësaj periudhe 8 vjeçare?, ka thënë Kasa.

Sipas të njëjtit, Basha kishte 8 vite kohe të mendonte e të vendoste mbi çështje madhore e të përcillte modelin e tij në bazë./CNA.al





07:34 Politikë

Kolegia e Doktorit

Dje pas një jave tensioni, dhe situate krejtësisht të paparë...

Lajmet e fundit nga