web counter
LEXO PA REKLAMA!

SHKARKO APP

App Store
Google Play

"Nuk jemi parti që flemë gjumë"/ Gjiknuri nis takimet në të gjitha strukturat

15 Shtator 2021, 16:35, Politikë CNA

Sekretari i Përgjithshëm i Partisë Socialiste, Damian Gjiknuri, ka nisur një tur takimesh në të gjitha qarqet e vendit.

Ditën e  sotme, Gjiknuri është ndalur në qarkun e Fierit, prej ku është shprehur se po zhvillon takime organizative për të prezantuar të deleguarit e rinj, por edhe për të filluar punën e reformimit organizativ të PS.

Sipas Gjiknurit, partia e tij nuk fle gjumë, por do të nisë që tani përgatitjet për zgjedhjet e ardhshme vendore.

?Unë si Sekretar i Përgjithshëm kam filluar një tur takimesh në të gjitha qarqet e Shqipërisë. Së pari, për të prezantuar të deleguarit e rinj, por edhe për të filluar punën e reformimit organizativ të PS, me qëllim që partia të fillojë përgatitjet që tani për zgjedhjet e ardhshme?, tha Gjiknuri

Sipas Gjiknurit, partia e tij nuk fle gjumë, por do të nisë që tani përgatitjet për zgjedhjet e ardhshme vendore.

?Ne nuk jemi një parti që mund të flemë gjumë e të presim zgjedhjet, por përkundrazi ne do të fillojmë të kryejmë detyrat tona, të organizohemi sa më mirë. Këtu në Qarkun e Fierit rezultati mund të kishte qenë më i mirë, ndaj ka një analizë për të bërë e për të nxjerrë konkluzione?, deklaroi ai.

Më tej Gjiknuri është shprehur se në të gjithë Shqipërinë do të ketë riorganizim të strukturave.

?Në të gjithë Shqipërinë do të ketë riorganizim të strukturave, që mund të përfshijë edhe Fierin e bashkitë e tjera, në funksion të rezultateve elektorale. Fieri nuk pati rezultatet që ne prisnim në zgjedhjet e fundit, ndaj dhe këtu ka një analizë për të bërë, pasi Fieri ka qenë i majtë, i rëndësishëm për PS. Fieri për ne ka rëndësi të jashtëzakonshme dhe fitorja e zgjedhjeve lokale do të jetë një tregues për zgjedhjet e radhës parlamentare?, tha Gjiknuri./ CNA.al





Lajmet e fundit nga