web counter
LEXO PA REKLAMA!

SHKARKO APP

App Store
Google Play

Ahmetaj: Përjashtimi i Berishës, goditja më e madhe që i është bërë PD

12 Shtator 2021, 19:03, Politikë CNA

Mbrëmjen e sotme ish-kryeministri Sali Berisha dhe grupimi ?Dhjetor 1990?, kanë mbajtur homazhe pranë Memorialit të Heroit të Demokracisë, Azem Hajdari.

Gjatë ceremonisë ish-anëtari i Këshillit Kombëtar të PD, Bislim Ahmetaj ka deklaruar se në PD ka vite që idealet e Azem Hajdarit janë shkatërruar. Më tej ai ka shtuar se PD është në ditët e saj më të zeza.

“Unë kam vite që e kam zhvendosur ceremoninë e përkujtimit të liderit historik të Azem Hajdarit, në vendin dhe orën 8:30 kur ai është vrarë. Aryeja ka qenë  e thjeshtë, pasi në PD ka disa vite që idealet e Azem Hajdarit janë shkatërruar, ai ka luftuar për votën e lirë, për pluralizmin politik për demokracinë për PD. Ne sot gjendemi me të vërtetë në një udhëkryq që s’po dimë të gjejmë rrugën. 

PD është në ditët e saj më të zeza. Sot PD është kapur nga një grup i vogël njerëzish të cilët e duan për biznes. Një grup i vpgël njerëzish i orientuar dhe kapur tërësisht nga kryeministri i vendit. Kemi një kryeministër dhe një opozitë bisht” thotë Ahmetaj.

Më tej ai shton se përjashtimi i Berishës është goditja më e madhe që i është bërë PD-së.

“Përjashtimi i Berishës nga vendimi i një mi ambasadash që zotëron vulën e PD për momentin është një nga goditjet më të mëdha që i është bërë PD-së. Ne sot na thërret ndërgjegjia e Azem Hajdarit që ta rikthejmë PD-në ato vlera që e duan demokratët”, thotë ai.

Kujtojmë se Sali Berisha nuk u pa sot në homazhet që Lulzim Basha dhe 6 drejtues te PD zhvilluan herët në mëngjes në nderim të Heroit të Demokracisë, Azem Hajdari, për të shmangur ndonjë protestë të mundshme.

Sot në mëngjes në homazhe u pa vetëm Basha me 6 persona ndërsa në mbrëmje qindra militantë të PD që shoqëronin Sali Berishën./ CNA.al





Lajmet e fundit nga