web counter
LEXO PA REKLAMA!

SHKARKO APP

App Store
Google Play

“Në Vlorë do ketë trazira!”/ Malaj paralajmëron zhvillime të bujshme me ndryshimet në qarqe

2 Shtator 2021, 17:23, Politikë CNA

Ish-ministri i Financave, Arben Malaj, ka komentuar kabinetin e ri qeverisë, të cilin Rama e prezantoi sot në mbledhjen e Asamblesë.

Në një intvistë për Top Talk, Malaj tha se vendit i duhen më shumë liderë, pasi një lider afatgjatë rrezikon korruptimin në mënyrë absolute, duke komentuar dhe disa prej emrave të zgjedhur.

Ai u ndal konkretisht tek Arben Ahmetaj të cilit Rama i besoi postin e zv.kryeministrit dhe e bëri drejtues qarku në Vlorë.

Sipas Malajt, Ahmetaj është caktuar në Vlorë jo për partinë, po për oligarkinë, duke paralajmëruar trazira.

?Është riprodhimi i mënyrës që ka ndjekur Rama. Ministrat janë njerëz që kanë autoritet publik, marrin njerëz që e kanë fituar besimin e popullit, ndërsa ministra pa profil, për shembull zv kryeministër është bërë një njeri i cili në të gjitha sondazhet ishte njeriu që shqiptarët nuk donin të ishte me anëtar qeverie.

E bën këtë sepse pushteti absolut ja ka vrarë çdo nerv demokratik dhe ai tani qeveris me arrogancën e pushtetit absolut. Është ajo që më tha një vlonjat duke ardhur këtu, që Ahmetaj është caktuar në Vlorë jo për partinë, po për oligarkinë.

Sepse lufta në Vlorë po bëhet për territore, se kush do menaxhojë hapësirat e reja për portet, modeli i Durrësit apo tjetër, se është e pamundur një qytet aq me shpirt dhe kontribut të menaxhohet nga një mercenar partiak. Tani ai ka zv kryeministër një njeri që shqiptarët thonë mos e bëj as ministër dhe ti japësh në ngarkim Vlorën, nuk e kam personale me të. Në qeveri ka shumë dhe nga ata që vetëm tundin kokën, kontributet e mia dihen. Vlora do reagojë se mënyrë të përsëritur Rama ka hapur gjithnjë sherre në Vlorë?, theksoi Malaj./CNA.al

 





Lajmet e fundit nga