web counter
LEXO PA REKLAMA!

SHKARKO APP

App Store
Google Play

E fundit!

x

Rakacolli hedh poshtë mitin/ “Vaksina nuk dëmton organet riprodhuese”

30 Gusht 2021, 13:23, Lifestyle CNA

Sot Komitetit Teknik i Ekspertëve vendosi masat e reja kundër Covid 19, pas shtimit të rasteve pozitive me Covid 19.

Zëvendës ministrja e Shëndetësisë, Mira Rakacolli iu ka bërë thirrje qytetarëve të pavaksinuar të paraqiten në qendrat shëndetësore për të bërë vaksinën.

E ftuar në rubrikën ?Opinion? në ?News24? Rakacolli u shpreh se ka patur një hezitim nga të rinjtë për të bërë vaksinën për shkak të lajmeve që qarkullojnë në rrjetet sociale, se vaskina dëmton organet riprodhuese.

Rakacolli ka theksuar se kjo nuk është e vërtetë dhe se të gjithë duhet të vaksinohen për të mbrojtur shëndetin e tyre dhe të të tjerëve.

“Ka një hezitim , pasi pati një përmirësim të situatës. Ka ndikuar për keq edhe te të rinjtë disa lajme jo shkencore që u përhapen në rrjetet sociale, siç janë dëmtimet në organet riprodhues, e gjë që nuk është e vërtetë. Viruset e kaluara nuk i përzgjidhnin shumë të rinjtë, por Delta i ka prekur.

Ka shumë faktor që ka ndikuar te vaksinimi. Sensibilizimi ynë ka qenë i kategorizuar te të gjitha grupet e popullsisë. Vaksinimi i detyrueshëm bëhet në të mirë të shëndetit publik. Kemi menduar, me sugjerim të Komitetit të Vaksinimit, që të nisej me ata njerëz që rriskoheshin të infektoheshin por dhe të infektonin. Studentët dhe pedagogët, duhet të kenë bërë vaksinën deri në 30 shtator.

Ata që nuk do të duan të bëjnë vaksinën, do të caktohet bërja e një analize tamponi që ata janë të shëndetshëm dhe nuk përbëjnë rrezik për komunitetin. Për muzikën nuk u ndryshua ora policore.?, pohoi Rakacolli./ CNA.al





Lajmet e fundit nga