web counter
LEXO PA REKLAMA!

SHKARKO APP

App Store
Google Play

E fundit!

x

Vaksinimi masiv/ Mbërrijnë 30 mijë doza vaksine Astra Zeneca në Shqipëri

30 Gusht 2021, 09:43, Lifestyle CNA

Ministrja e Shëndetësisë, Ogerta Manastirliu ka bërë me dije se në Shqipëri kanë mbërritur 30 mijë doza të vaksinës Astra Zeneca nga Letonia.

?30,000 doza të vaksinës AstraZeneca i shtohen sasisë së vaksinave anticovid të disponueshme në vend, falë mbështetjes dhe bujarisë së Letonisë. 1,929,172 vaksina kanë mbërritur deri tani në Shqipëri, teksa janë kryer mbi 1,4 milion vaksinime anticovid?, shkruan Manastirliu.

Më herët ministrja është shprehur se muaji i hapur i vaksinimit do të vijojë edhe në Shtator, për grupmoshat mbi 18 vjeç.

Në këtë mënyrë do të jetë i mundur kontrolli i situatës pandemike.

Vetë kryeministri Edi Rama pak ditë më parë u shpreh se për studentët vaksinimi mund të bëhet i detyrueshëm, në mënyrë që të rikthehet sa ma parë zhvillimi i mësimit në auditore.

Ndërkohë sot, Komiteti Ekspert i Teknikëve do të mblidhet për të njoftuar mbi situatën pandemike.

Pas pak do të mësohet nëse do të ketë shtrëngim të masave, apo ndonjë vendim në lidhje me vaksinimin./ CNA.al





Lajmet e fundit nga