E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

VIDEO/ Chelsea reziston ndaj Liverpool, Bayern fluturon me Lewandowskin

28 Gusht 2021, 18:33, Sport CNA

Spektakël në Angli e Gjermani, me ndryshimin që Liverpool barazoi 1-1 ndaj Chelsea kurse Bayern Munich mposhti 5-0 Hertha Berlin. Një duel i luftuar në Anfield, që nisi me një gol të shënuar nga Havertz me kokë, pas një goditjeje këndi.

Reece në shtesë shkaktoi një penallti dhe u ndëshkua me karton të kuq. Salah nga pika e bardhë nuk fali dhe e çoi topin në rrjetë. Liverpool nuk e shfrytëzoi dot epërsinë numerikë që të realizonte golin e fitores dhe në fund u mjaftua me një pikë.

BUNDESLIGA ? Bayern Munich nuk e ka diskutuar Hertha Berlin, që e ka mposhtur me rezultatin 5-0. Bavarezët morën pikët e plota dhe ndajnë kreun me Bayer Leverkusen, ndërkohë që në duelin e sotëm nuk mund të mungonin golat e Robert Lewandowski.

13 ndeshje radhazi që polaku nuk ndalet, një rekord personal, dhe sot ai realizoi tre herë. Ai që e zhbllokoi ndeshjen ishte Thomas Muller, i cili më pas i la radhës goleadorit të skuadrës dhe talentit Musiala.

Lewa nuk mund të ndalej me aq dhe shënoi edhe dy herë të tjera në portën e Hertha Berlin, duke arritur në kuotën e 300 golave me bavarezët.

NDESHJET E MËPARSHME NË PREMIER LEAGUE? West Ham United është ndalur në javën e tretë të kampionatit dhe kjo i ka ndodhur në shtëpi, kudër Crystal Palace. Fornals dhe rekordmeni Antonio shënuan për ?Çekiçët?, në një ndeshje që përfundoi 2-2.

Me të njëjtin rezultat barazoi edhe Newcastle me Southampton, kurse Aston Villa ngeci në barazim 1-1 ndaj Brentford. Pikët e plota i morën Everton dhe Leicester. Të parët mposhtën Brighton 2-0, kurse ?Dhelprat? ia dolën me Norwich 2-1 në transfertë.