E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Java e dytë e kampionatit/ Pioli surprizon me deklaratën

28 Gusht 2021, 16:18, Sport CNA

Trajneri i Milanit, Stefano Pioli ka folur para mediave ditën e sotme, në prag të sfidës me Cagliarin, e cila do të zhvillohet ditën e nesërme. Kuqezinjtë do të luajnë ndeshjen e parë në shtëpi për këtë sezon. Në prag të kësaj sfide, Pioli ka thënë se kundërshtari është i fortë, por shton më tej se ai ka një skuadër më të mirë se e sezonit të kaluar.

?Nesër luajmë ndaj një ekipi të fortë e të strukturuar, por ne i dimë cilësitë tona. Ikja e Ronaldos? Nuk mendoj se i ndryshon hierarkitë e vendosura mes ekipeve. Janë 7 ekipe shumë të forta dhe do luftohet deri në fund për titullin.

Ne jemi rritur, jemi më të vetëdijshëm për karakteristikat tona. Gjëja e rëndësishme është që ekipi të hyjë në fushë me ide të qarta.

Rinovimi me Kessie? E kam mendjen te ndeshja e nesërme. Ka ende disa ditë nga merkatoja, në fund bëjmë vlerësimet. Pellegri ka ardhur në kushte të mira fizike, por ende jo optimale. Ai nuk do jetë për ndeshjen e nesërme. Do ketë nevojë për dy javë pushim dhe më pas shpresoj të jetë me ne. Bakayoko? Nuk është ende i yni dhe nuk mund të them asgjë.

Maignan? Të kesh një portier që e gjuan topin direkt 70 metra larg, mund të jetë një zgjidhje në momente të caktuara. Ai po punon mirë. Diaz është më mirë se vitin e shkuar. Është kthyer nga Real Madrid me motivim të madh.

E njëjta gjë edhe për Tonali. Ai e ka mësuar përgjegjësinë e tij dhe është përmirësuar. Është më i qartë dhe i gatshëm, është rritur nga gabimet e tij. Benaccer është mirë dhe është gati të luajë nga minuta e parë. Presim gjëra të mëdha nga skuadra, ka shumë cilësi?, u shpreh Pioli.piol