web counter
LEXO PA REKLAMA!

SHKARKO APP

E fundit!

x

Rikthehen frikshëm infektimet në Shkodër/ Qytetarët nuk po respektojnë asnjë masë

27 Gusht 2021, 11:22, Lifestyle CNA

Ditët e fundit në Shkodër janë rritur në mënyrë të frikshme rastet pozitive me Covid 19 apo variantin Delta.

Rreth 400 testime janë kryer, ku 30% e tyre rezultojnë mbartës të virusit. Shefja e shërbimit epidemiologjik Dhurata Hysa thotë se infektimet janë rikthyer si shpërthim komunitar duke mos patur vatra izoluese.

?Situata është përkëqësuar ndjeshëm gjatë javës së fundit. Qytetarët pavarsisht apeleve nuk po respektojnë asnjë masë.Grumbullimet kanë qënë masive ne dasma, raste mortore dhe takime të tjera. Cdo dite kryejme mbi 400 tamponë ku 30% e tyre rezultojnë pozitiv.Kemi 100-120 raste ditore, kjo është e frikshme?, shprehet ajo.

Qytetarët nuk po respektojnë masat duke neglizhuar edhe simptomat apo izolimin. Më mirë paraqitet situata në institucione ku deri më tani nuk ka shpërthim infektimesh por vetëm raste sporadike. Përhapja bëhet nga familjarët.

?Në institucione nuk ka shumë raste që mund të rrezikojnë punën..Janë sporadike. Infektimet janë më shumë familjarë dhe shoqëror.Nuk bëhët më fjalë për vatra të izoluara, është shpërthim komunitar.fatmirësisht deri më tani varianti i ri ka qënë më pak agresiv.Por qytetarët duhët të jenë më të ndërgjegjshëm, nese jo për veten e tyre të mendojnë për familjarët.?

Çdo ditë në Shkodër rezultojnë pozitiv 100-120 qytetarë ku në total sipas Ministrisë së Shëndetësisë janë 1322 aktivë, duke u renditur qarku i dytë me kurbën më të lartë pas Tiranës./ CNA.al





Lajmet e fundit nga