web counter
LEXO PA REKLAMA!

SHKARKO APP

App Store
Google Play

“Jam pa fjalë!”/ Kryetari i Bashkisë Gjirokastër humb njeriun e afërt në aksidentin tragjik në Qafë-muzinë

26 Gusht 2021, 20:02, Aktualitet CNA

Mes viktimave që humbën jetën sot në aksidentin tragjik në Qafë-Muzinë, është dhe miku i kryetarit të Bashkisë Gjirokastër, Flamur Golemi.

Bëhet fjalë për shoferin e furgonit, Bardhi Proda. Lajmin e ka konfirmuar vetë kryetari i cili në një reagim të gjatë në rrjetet sociale, teksa shpreh ngushëlimet për viktimat, i bën thirrje qytetarëve ?që t?i thërrasin mendjes? kur janë në timon.

 ?Pa fjalë nga çfarë ndodhi sot në Muzinë, ku sa hap e mbyll sytë u këputën 5 jetë në një aksident tragjik. Pesha e dhimbjes është e rëndë për këdo që dëgjon një lajm të kobshëm si ky. Shumë më shumë për mua që humba të afërmin tim, Bardhin, shoferin fatkeq që e bënte atë rrugë për gati 20 vjet e kurrë nuk bëri një gabim në timon.

Hetimet do të zbardhin të vërtetën e ngjarjes, që me siguri do të harrohet si shumë të tjera. Por ajo që duhet përsëritur vazhdimisht e vazhdimisht nga të gjithë ne, është një apel i thjeshtë: Mos rrezikoni jetën tuaj kur jeni në timon dhe as të të tjerëve që kalojnë në rrugë.

Thirrini mendjes, qoftë me shpejtësinë, parakalimet e gabuara apo deri te përdorimi i celularit. Ngushëllime familjes Proda, familjes Korçari dhe Fediaieva. Shërim të shpejtë edhe për vajzat që morën lëndime!?, shkruan Golemi./CNA.al





Lajmet e fundit nga