web counter
LEXO PA REKLAMA!

SHKARKO APP

App Store
Google Play

E fundit!

x

Xhelal Mziu i futet thellë diplomacisë, por ngatërron datat/ “Shqiptarët, duhet të bëhen pak boshnjakë!”

17 Gusht 2021, 13:52, Satire CNA

Profesor Doktor Xhelal Mziu, deputeti më i ri i Partisë Demokratike në Parlamentin e ri, duket se pa nisur punimet ende Kuvendi i ri, e ka shprehur interesin më të ri të tij për politikën e jashtme. Një interes, që edhe mund të konkretizohet në pjesëmarrjen e Dr.Mziut në komisionin e Politikës së Jashtme të Parlamentit të ri.

Në një postim në faqen e tij, deputeti i ri i PD-së, fokusohet në politikën rajonale, që natyrisht synon ta përdorë të sulmojë Edi Ramën.

Por ngatërron kohën. Mziu publikon një video nga përkujtimi i masakrës së Srebrenicës në vitin 2015, ku të pranishmit kontestuan Presidentin e Serbisë, Aleksandër Vuçiç.

Nuk dihet pse Mziu është kujtuar për Srebrenicën, pasi përvjetori i masakrës së tmerrshme ku u vranë mbi 8 mijë boshnjakë është më 11 korrik, shkruan Tema.

Por ideja e deputetit të PD-së, është solide dhe e shpreh në një koment në postimin e tij ku shprehet: ?Dhe Shqiptarët e Kosovës e Shqipërisë, duhet të bëhen pak boshnjakë?.  Ka shumë gjasa që këto tema, të elaborohen nga shtatori, kur edhe të nisë Kuvendi i ri./ CNA.al





Lajmet e fundit nga