E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

E pabesueshme/ Salianji themelon shoqatën VT për ringritjen e PD-së në Korçë

15 Gusht 2021, 16:06, Satire CNA

Vërtet e pabesueshme, por ja që ndodh në Korçë, në kulmin e të nxehtit, kur njerzit duan të pushojnë buze detit apo në freskinë e maleve që po digjen nga ?patriotët? tanë.

Por ja që ndodh edhe kështu. Kur PD-ja shkërmoqet nga vetë njerzit e Salianjit dhe Bashës, siç është Andrea Mano, apo nga vetë Spaho dhe konfliktet e Ervinit, tani gjendet zgjidhja.

Lulzim Basha, që të shpëtojë nga turpi gjeti zgjidhjen, dhe direkt vërsuli kamikazin e tij, që tani quhet ?Lideri i Pusetës?.

Me propozim direkt nga Gaz Bardhi, u gjet një zgjidhje staturore. Të krijohet një organizate e re brenda PD-së në Korçë dhe të quhet ?Veteranët Tanë? shkurt Shoqata VT me dy gërma si PD.

Kjo shoqatë duhet të krijohet në degën e Korçës dhe te përfshijë sa më shumë ish-kryetarë, por edhe ish-kryekomunarë apo drejtues të SHISH.

Le të kenë qenë kundër PD-së, Lulit, Berishës, të kenë punuar për PS-në, Fatos Nanon e deri tek Niko Peleshi, rendësi ka të jenë veteranë.

Mundësisht t’iu varin edhe një llamarinkë si qëmoti e tu premtohet se kur të vijë PD në pushtet do kenë benefite të mëdha, që nga rritja e pensionit deri tek uturakët falas.

Disa që kanë memorie apo një fare dinjiteti mund ti gënjehen duke ju theksuar se ?armiku? u gjet në gjirin e partisë dhe ai iku, tani PD duhet të drejtohet nga shoqata VT e cila në fakt do sjellë vlerat e tyre në rini, kur këndonin për partinë apo derdhnin lot për shokun Enver. Kështu duhet të mësohen dhe brezat e rinj që nën mësimet e shoqatës do japin kontributin e tyre që PD të qëndrojë në opozitë, por Luli e Salianji të shtojnë pasuritë në bizneset e tyre me Ramën.

Mësohet se vullnetarët e parë të shoqatës në takimin themelues, kanë treguar për betejat e tyre me Berishën, e dinin armik të amerikaneve dhe që do shpallej non ? grata që në vitin 96.

Disa kërkuan që të firmosej një kontratë ku të jepnin manualet e tyre të eksperiencës dhe kembëngulën që më ardhjen e PD të rikthehen në detyra të rëndësishmë drejtimi dhe menaxhimi.

Dikush u krahasua edhe me Biden dhe Trump, duke deklaruar se nuk do vdisnin deri sa Luli të bëhej kryeministër në qeverinë që do ja fale Rama shumë shpejt sepse e ka shumë xhan.

Në fund të mbledhjes Ervin Salianji pyeti të pranishmit për hallet e tyre shëndetësore dhe subvecionet e qeverisë në ilaçet e tensionit dhe prostatës. Në këtë fushë nuk pati shqetësime.

Disa ankesa kishte për reformën në drejtësi, por kryesisht u kërkua që shoqata VT e nisur si gur themeli në Korçë të ngrihej në nivel kombëtar, pse jo dhe ndërkombëtar.

Takimi u mbyll me sukses dhe pritet që në ditët në vazhdim shoqata të zgjerohet dhe me antarë të tjerë, kryesisht të mënjanuar nga partia në menyrë të gabuar, por edhe të tjerë vetëranë që duan të bëjnë foto me Liderin e Pusetës.

Vendimi i parë i shoqatës me numër një është: Fillimi i luftës në vjeshtë dhe mos kthimi nga llogoret e betejës deri në fitore./CNA.al