web counter
LEXO PA REKLAMA!

SHKARKO APP

App Store
Google Play

E fundit!

x

Mesazh me tritol/ Anila Hoxha zbardh detaje tronditëse

17 Gusht 2021, 11:15, Kronika CNA

Gazetarja investigative Anila Hoxha ka zbardhur detaje të rënda rreth ngjarjes së një nate më parë në Durrës, ku në një firmë ishin vendosur sasi të mëdha tritoli.

Hoxha ka treguar se nëse sasia prej 50 kilogramësh e vendosur në ndërtesë do të shpërthente, do të kishte përfunduar në një masakër të vërtetë.

Ajo bën me dije se tre persona të maskuar kanë hyrë në firmën e çimentos dhe kanë lidhur rojen e ndërtesës dhe për një orë e gjysmë kanë instaluar gjithandej eksplozivin që sipas saj nëse do të kishte shpërthyer do të kishte ndodhur një kasaphane.

?Mesazh me tritol? 50 kilogramë tritol, numëruar ndryshe 33 kallëpe të lidhur me njëri tjetrin, për fatin e bardhë të qytetarëve shqiptarë që jetojnë në lagjen numër 14 në Durrës nuk shpërthyen. Do kishte ndodhur një masakër ne Shkozet.

Ditën e djeshme, 3  persona të maskuar hynë në biznesin e cimentos, lidhen me natriban rojen e  ndërtesës në fjalë dhe për një orë e gjysëm instaluan gjithandej eksplozivin në masë të konsiderueshme, që nëse do kishte eksploduar do kishte ndodhur një masakër. 

Çfarëdo të ketë ndodhur brenda atyre mureve dhe kushdo që të jetë i dyshuari, duhet urgjent të bëhet publike.

Kqyrja e vendngjarjes dhe rrëfimi i rojes që njoftoi menjëherë policinë mbasi arriti të zgjidhet , tregojnë se autorët e paidentifikuar ende, e instaluan tritolin në brendësi të objektit duke ndjekur një plan që e dinë veçse ata.

Të zotët e biznesit ngrenë supet.

Nuk munden të tregojnë dot para prokurorisë nëse janë kërcënuar, nëse po paralajmërohen nga një grup kriminal i caktuar në Durrës , apo është mirfilli një shpërthim që nuk ndezi nga rastësia dhe fati. Asnjëri s?di apo s?do të thotë se cilët mund të jenë grupi i personave që shtroi me eksploziv biznesin. 

Nuk dihet ende dhe askush nuk mund ta thotë saktësisht në fazën ku gjenden hetimet, nëse autorët qëllimshëm gabuan duke mos realizuar shpërthimin dhe nëse atje thjesht po linin një mesazh me tritol që e dinë vetëm ata, por edhe pala marrëse.

Ajo që dihet është se në vendngjarje u gjetën 50 kilogramë me tritol ! Që nëse do kishin ndezur , aty do kishte ndodhur një kasaphane.

Ekspertët xheniere këmbengulin se fitili me gjatësi 50 metra distancë nuk u ndez nga bateria e pamjaftueshme.

Megjithatë ky është një hamendësim. Forcat e rendit dhe sigurisë janë në kërkim të çfarëdolloj kamerë, targë dhe gjurmë që do t?i çojë tek ata tre të maskuarit që vendosën 50 kilogramë tritol . Një sasi alarmuese apo jo??, shprehet Anila Hoxha./ CNA.al





Lajmet e fundit nga