E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Godet sërish Dinamo, merr futbollistin më të kërkuar në këtë merkato vere

17 Gusht 2021, 07:56, Sport CNA

Redon Mihana është futbollisti më ri i Dinamos. Është folur shumë gjatë kësaj merkatoje verore për sulmuesin anësor të fierakëve, por në fund betejën e ka fituar ?nëndetësja? blu. Për disa kohë u fol se Mihana mund të vishej i kuq, pasi ka pasur bisedime të zgjatura mes palëve, por kushtet e vendosura nga Apolonia nuk u duken të pranueshme nga Partizani.

?Panorama Sport? shkruan se klubi bardhejeshil ka kërkuar që të mbante 80% të kartonit të sulmuesit, me shpresën që do të përfitonte në rast shitje në lojtarit. Por ?demat? kanë qenë dakord që të ndanin përqindjen e kartonin diku në shifra të barabarta, por fierakët nuk janë lëkundur me shpresën se do të gjenin destinacionin e duhur për lojtarin e tyre.

Me të njohur me situatën dhe ngërçin e transferimit të lojtarit mes Partizanit dhe Apolonisë, gazeta mëson se Dinamo ka hyrë direkt në lojë duke e fituar derbin e parë sezonal me Partizanin jashtë fushës. Drejtuesit dinamovitë kanë qenë më konkretë dhe joshës për klubin fierak. Gazeta mëson nga burime pranë palëve se Dinamo ka ofruar afro 20 mijë euro si dhe i ka lënë Apolonisë 40% të kartonit të sulmuesit. Kjo formulë ka bërë që Apolonia ta lejojë 22- vjeçarin që t?i bashkohet Dinamos në fazën përgatitore që po zhvillon në Pogradec.

Ndonëse Mihana ka dalë në stërvitje me fanellën blu, palët akoma nuk e kanë zyrtarizuar marrëveshjen, por shumë shpejt pritet që sulmuesi i krahut të majtë të prezantohet nga dinamovitët. Në lidhje me këtë lëvizje merkoje ?Panorama Sport? kontaktoi presidentin e Dinamos, Ardian Bardhi, i cili sqaroi edhe situatën momentale të sulmuesit fierak.

?Transferimi i Redon Mihanës nuk është mbyllur akoma, edhe pse lojtari është në fazë grumbullimi me Dinamon. Por, besoj se punë ditësh dhe gjithçka mbyllet me sukses?, u shpreh për gazetën presidenti i Dinamos, Ardian Bardhi. Me afrimin e 22-vjeçarit trajneri Bledi Shkëmbi e ka më të plotë ekipin në fazën sulmuese, si dhe shton konkurrencën në grup.

Në përgjithësi dinamovitët janë munduar që të afrojnë në merkato lojtarë me përvojë, por edhe të rinj të perspektivës, nga të cilët mund të përfitohet me nxjerrjen e tyre për shitje në tregun e huaj. Dinamo është një ekip i ndërtuar i gjithi nga e para, ndaj mbetet për t?u parë se çfarë afrimesh kanë kryer.